АНУ-ын Мэрилэнд мужийн Балтимор хотод мужийн захирагч онц байдал зарлаж, Үндэсний хамгаалалтын албаны цэргүүдийг тараан байршуулаад байгаа талаар “ВВС” агентлаг мэдээллээ.
Балтимор хотод жагсагчид болон цагдаа нарын хооронд ширүүн мөргөлдөөн газар авч эмх замбараагүй байдал үүсээд байгаа юм.
Балтимор хотын иргэд 4 дүгээр сарын 19-ний өдрөөс хойш эсэргүүцлийн жагсаалд нэгдэж, 25 настай иргэн Фредди Грей цагдаагийн ажилтантай сөргөлдөж нуруундаа гэмтэл аван таалал төгссөн юм. Түүнийг таалал төгссөнөөс хойш иргэд жагсаж, даваа гарагт болсон оршуулганых нь дараа хэв журам сахиулах цагдаа нартай мөргөлдөж эхэлжээ.
Мөргөлдөөний улмаас цагдаагийн 15 ажилтан гэмтээд байгаа юм. Жагсаалд насанд хүрээгүй хүүхдүүд оролцож байгаа тул цагдаагийн байгууллагын зүгээс эцэг эхчүүдийг өсвөр насны хүүхдүүдээ гэрт нь хариулахыг шаардаад байна.
О.Мөнхдуулга
