MCS групп хэмээх их айлын нэрийг өдөр бүр Монгол орны өнцөг булан бүрт сурталчилж байдаг брэнд бол MCS нэрийн жижиг савалгаатай ундаа билээ. Гэтэл өнгөрсөн долоо хоногт нэгэн байгууллагын цайны газрын зарж байсан Fanta ундаанаас тунадас гарчээ.
Үйлчлүүлж байсан иргэд цочирдохдоо MCS группийн чанарын хэлтэст хандтал чанарын менежер уг цайны газарт ирж, байдалтай танилцаад “Эргээд хариу өгнө” хэмээн явснаас хойш сураггүй болжээ.
Төрийн бодлогоор үндэсний үйлдвэрлэгчээ дэмжих талаар уриалга гаргах дуртай MCS групп сүүлийн үед Таван толгойн асуудлаар “Энержи Ресурс”-ийг тойрсон маргаан дунд эерэг пиараа идэвхжүүлж, хариуцлага хийгээд зөв зүтгэлтэйгээ магтан дуулсаар байгаа.
Гэтэл бодит амьдрал дээр MCS группийн ажлын хариуцлага, чанарын хяналт иймэрхүү сул түвшинд явдаг бололтой.
Ж.Мядагбадам
