ОХУ-ын сөрөг хүчний дуу хоолой болсон "Новая газета" сонины редакци нэгэн анхаарал татсан үйл явдлын мөрөөр сурвалжлага хийсэн байна. Энэ нь Кремлийг дэмжсэн сэтгэгдэл бичигдийн арми юм байна. Энд ажиллаж буй хүн сардаа 700-800 ам.долларын цалин авдаг бөгөөд  цаанаас өгөгдсөн үүрэг даалгавар, чиглэлээр блог хөтөлж, цахим нийтлэлүүдийн дор Кремлийг дэмжсэн сэтгэгдэл бичих үүрэг хүлээдэг байна.

Энд ажиллах хугацаандаа өгсөн үүрэг даалгаврыг зөрчсөн, биелүүлэхээс татгалзсан тохиолдолд шууд ажлаас халдаг гэнэ. Энэ тухай  эрэн сурвалжилсан сурвалжлага бичихийн тулд "Новая газета" сонины сэтгүүлч өөрөө ажилд орох гэж байгаа хүн болж очин сэтгэгдэл бичигдийн арми хэрхэн яаж ажилладаг, ямар журмаар үйл ажиллагаа явуулдгийг олж мэдсэн байна. Сэтгэгдэл бичигчдийн арми гэдэг манайхны хэлдгээр комментчид юм.

Цахим ертөнцөд ажиллах сонирхолтой хүмүүсийг ажилд авна гэсэн зарын дагуу очиж ажиллаж байсан Людмила Савчук гэх бүсгүй ямар төрлийн сэтгэгдэл бичдэг байснаа ярьжээ. Тэрээр "Путин бол агуу удирдагч, Кремлийн бодлого орос орныг аварна, барууны орнууд мөхөж байна, Украйнчуудд жинхэнэ фашистууд" гэсэн агуулгатай сэтгэгдлийг өөрт хэдэн мянгаар бичиж байсан байна.

Энд ажиллаж байгаа хүмүүс өдөрт хоёр ажилладаг бөгөөд өдөр, шөнийн ээлжээр ажилладаг байна. Людмила тамирчин, гэрийн эзэгтэй, оюутны дүрээр  мэдээллийн сайтуудад бүртгүүлэн эрх баригчдийг дэмжсэн, Украйны засгийн газрын эсрэг сэтгэгдлийг бичиж байсан байна.

Санктпетербургийн олны нүдэн үл анзаарагдар саарал байшинд Кремлийг дэмжигчдийн арми байрлаж ажилладаг байна. Ажилд орохоор ирж байгаа хүмүүстэй өөрийгөө Олег гэж танилцуулсан ганцхан эрэгтэй хүн уулзаж ажилд авдаг.

Сэтгэгдэл бичигчдийн арми Украйны хямралаас өмнө эхэлсэн гэж таамаглаж байгаа. Яг тодорхой цаг хугацааг нь мэдэх боломжгүй юм. Сэтгэгдэл бичигчдийн тоо өсөн нэмэгдэхийн хэрээр сүүлийн үед Кремлийн гадаад дотоод бодлогыг дэмжсэн сэтгэгдэл онлайн ертөнцөд сэтгэгдлийн үер буулгаж байна.

Эх сурвалж: Times.mn