Сүүлийн жилүүдэд Монголын гадаад харилцаа амжилттай хөгжиж байна. Ирэх онд АСЕМ-ын чуулга уулзалт болно. Мөн саяхан Европын аюулгүй байдал, хамтын ажиллагааны байгууллагын Парламентын Ассамблейн Товчооны хурал Улаанбаатар хотод боллоо. Энэ бүхэн Монголын нэр хүнд дэлхийн түвшинд өндөр үнэлэгдэх болсны илрэл. ЕАБХАБ-ын Парламентын Ассамблейн Товчооны ээлжит хуралд манай улс анх удаа оролцсон байна. Тус хуралд УИХ-ын гишүүн, УИХ дахь ЕАБХАБ-ын Парламенттай харилцах бүлгийн гишүүн Л.Болд оролцож, 2015 оны 9 дүгээр сарын 15-19-ны өдрүүдэд Улаанбаатар хотод зохион байгуулах ЕАБХАБ-ын Парламентын Ассамблейн хурлын бэлтгэл ажлын явцын талаар мэдээлэл хийжээ.
Б.Баяр
Эх сурвалж: Tumen.mn
