Монгол улсын 25 дахь Ерөнхий сайд С.Баярын хөрөнгийн тухай ноцтой баримтыг УИХ-ын гишүүн Г.Уянга өнгөрсөн дөрөвдүгээр сард дэлгэж шуугиан тарьсан билээ. Тэрээр С.Баяр АНУ-д дээд зэрэглэлийн долоо хаус байдаг бөгөөд энэ нь нийт 24 тэрбум төгрөгийн үнэтэй хэмээж байсан. Мөн энэхүү дээд зэрэглэлийн долоон орон сууцыг С.Баяр АНУ-д анхны эхнэр хүүхдүүд болон одоогийн найз бүсгүйгийнхээ нэр дээр худалдан авсан бөгөөд уг орон сууцнуудаа хэсэг хугацааны дараа эргүүлсэн зарсан зэрэг бүх баримтыг дэлгэсэн.
Энэ бүх мэдээлэл олон нийтэд ил болсноос хэд хоногийн дараа С.Баяр мэдээлэл хийж нууц хөрөнгийнхөө тухай эрс үгүйсгэсэн. Ерөнхий сайд асан С.Баяр өнгөрөгч 4 сарын 23-ны өдөр Москва хотын Шерементьево нисэх онгоцны буудал дээр найз хүүхэнтэйгээ онгоц хүлээгээд сууж байгаа зураг цахим ертөнцөөр таржээ. Германаар дамжин ирсэн тэрээр Англид байдаг өөрийн үл хөдлөх хөрөнгөнүүдээ зарж, эсвэл нэр шилжүүлсэн байх магадлалтай хэмээн хардах хүмүүс цөөнгүй байна. Түүний нууц хөрөнгий талаар мэдээлэл тарснаас хойш нэлээдгүй сандарч мөрөө баллахаар оролдож яваа сурагтай.
Эх сурвалж: Шуурхай.мн
