Энэ сарын 19-ны өдөр буюу өнөөдөр Завхан аймгийн Солонготын давааны зам шар усны үерээс болж зам сэтрэн хаагдаж тээврийн хэрэгсэл явах боломжгүй болсон талаар Авто тээврийн Үндэсний төвөөс мэдээллээ. Иймд Онцгой байдлын ерөнхий газраас тухайн чиглэлийн замыг хаажээ.

Одоогийн байдлаар Архангай аймгаас Завхан аймаг руу явж байгаа чиглэл, Завхан аймгаас Улаанбаатар хот чиглэсэн хэсэгт 30-40 орчим тээврийн хэрэгсэл саатаад байгаа тухай эх сурвалж мэдээллээ.

Эх сурвалж: Түмэн.мн