Ойрхи Дорнодыг түйвээж байгаа Лалын улс бүлэглэлийнхэн дайчдынх нь бэлгийн хэрэгцээг хангахаас татгалзсан Язиди гаралтай 19 охиныг төмөр торонд хийж, амьдаар нь шатаасан аймшигт хэрэг үйлджээ. Тэд өөрсдийн энэ бузар үйлийг бурханы дайчдад үйлчлэхээс татгалзсан шившигт эмсийг ариун цаазаар гэсгээлээ хэмээн сурталчилж байгааг Дейли Телеграф хурцаар шүүмжилж байна. Хэрэг явдлыг харсан гэрчүүдийн мэдээлж буйгаар бэлгийн болохоос татгалзсан залуу охидыг Мосул хотод амьдаар нь шатаасан гэлээ. АРА мэдээллийн агентлагийн идэвхтэн Абдулла Аль Малла "Эл гутамшигт хэргийг хэдэн зуун хүний өмнө гэгээн цагаан өдрөөр үйлдсэн. Хөөрхий охидыг үхлээс аварч чадах нэг ч хүн байсангүй" гэж бичжээ.

Лалын улс бүлэглэлийнхэн 2014 оны наймдугаар сараас хойш Иракын умард нутгийн Язидийн бүсийг эрхшээж, аллага, хүчирхийллийг тасралтгүй хийж байгаа юм. Тус бүс нутгийн оршин суугчдын олонх нь Курд гаралтай иргэд бөгөөд алан хядагчдын түрэмгийллээс айн нутгаасаа дүрвэдэг ч хэдэн арван мянган хүн алуурчдын гараас сугарч чадалгүй гацчсан аж. Албаны эх сурвалжийн мэдээлж буйгаар 3000 гаруй язиди охид Лалын улсын дайчдын бэлгийн боол болжээ.

С.Дамдин