Нийтийн эзэмшлийн зам талбай, нийтийн эзэмшлийн орон сууцанд амьдарч байж оршин суугчдын эрх ашигт үл нийцэх үйл ажиллагаа явуулж, дур зоргоороо аашилдаг нөхөд байх аж. Ийм нэгэн дур зоргоороо аашилдаг нөхрийн тухай мэдээллийг Баянгол дүүргийн XХI хорооны иргэд бидэнд дуулгалаа.

Тухайлбал, Баянгол дүүргийн XХI хорооны 17-462 тоотод оршин суух иргэн А хашаандаа 40 тоннын хоёр контейнарт хөлдөөгч байрлуулсан нь ойр орчмын оршин суугчдынхаа тав тухыг алдуулж байгаа тухай мэдээлэл өгсөн юм. Уг нь тус хороо, иргэн А-гийн ойр орчмын оршин суугчид “Танай хашаанд байгаа хөлдөөгчний дуу чимээ унтаж амрах ямар ч аргагүй болгож байна, үүнийгээ зохих газарт нь аваачиж байрЛуулаачээ” хэмээн удаа дараа шаардсан ч тэрээр иргэдийн энэ хүсэлтийг огт тоохгүй байгаа аж. 

Түүнчлэн хорооны удирдлага, зохих хүмүүст хэл хүргэх гэхээр байдаггүй юм байна. Ийнхүү арга ядсан оршин суугчид хэвлэл мэдээллийн байгууллагад хандсан хэрэг болов уу. Учир нь ийм том хэмжээний хөлдөөгч, хөргүүрийг нийтийн эзэмшилд байрлуулж болдог юм уу, байрлуулах ёстой юу, сөрөг нөлөө гээд дүрэм журам байх ёстой. Аюулгүй ажиллагааны дүрэм ч гэж нэг зүйл бий. Тиймээс Мэргэжлийн хяналтын газар ч юм уу, холбогдох байгууллагын хүмүүс арга хэмжээ авч өгөхийг л хүссэн хэрэг. Мэргэжлийн хяналтын газар болон бусад мэргэжлийн байгууллагуудаас гадна хорооны Засаг дарга, холбогдох хүмүүс яагаад анхаарахгүй байгаа юм.

Хөл хорионы дэглэм дор гэртээ байгаа хүмүүст хамгийн тээртэй зүйл бол энэ хөргүүр болоод байна. Тэр тусмаа шөнийн цагт унтаж амрах ямар ч аргагүй гэдгийг иргэд дуулгаж байсан юм. 

ТҮМЭН.МН