Мэргэжлийн сумогийн Хару башё эхлэхэд хоёр хоног үлдээд байна. Их аварга Хакүхо энэ удаагийн башёд эрчимтэй бэлтгэж байгаа бөгөөд нутгийн ах "Алтан хараацай" Н.Цэвэгнямтай бэлтгэл хийжээ. Энэ тухай цагтаа дээд зиндаанд шуугиулж явсан Рюүо Санчирболд өөрийн цахим хуудсандаа ийнхүү бичсэн байна.

"Өнөөдөр Цэвэгням ах Хакүхо аваргад цээжээ өгч бэлтгэл хийлгэсэн нь сүүлчийн удаа болж байгаа байх. Олон жил өгсөн дөө" хэмээн бичжээ. Мэргэжлийн сүмо дахь Монгол бөхчүүдийн анхдагч Кёкүтэнхо Н.Цэвэгням энэ сарын 29-нд зодог тайлах ёслолоо хийх юм.