Найруулагч аав, жүжигчин ээжийнхээ ачаар урлагийн сургуулиа төгссөн даруйдаа ажлын байртай болсон гэгддэг Х.Баярмаа “Дэлхийн мисс”-ийн тэмцээнд ч эх орноо төлөөлөн өрсөлдөөд авсан азтай бүсгүй. Загвар өмсөгч, жүжигчин, мисс, дуучин гэх багагүй цол гуншинтай тэрбээр эротик загварын хувцсаар гоёж, энд тэндхийн томоохон арга хэмжээнд эхээс төрсөн бие галбираа гайхуулах нь холгүй алхдаг байсан.

Харин сүүлийн үед нэлээд “томоожиж”, спортоор хичээллэж яваа жүжигчин бүсгүй маань саяхан өөрийн цахим хуудсанд ээжийнхээ залуу цагийн зургуудыг оруулан олныг шуугиулаад авав. Учир нь эдгээр зургуудын дунд СТА, жүжигчин С.Өлзийхүүгийн нүцгэн зураг байсан төдийгүй уран сайхны маягаар авахуулсан нь энэ аж.

Ээжийнхээ залуу нас, гоо үзэсгэлэнгээр бахархсан жүжигчин Х.Баярмаа ч өмнө нь “Playboy Mongolia” сэтгүүлийн нүүрэнд эротик зураг авахуулаад амжсан нэгэн. Харин энэ удаад ээжийнхээ нууц зургийн олон нийтэд дэлгэхээсээ өмнө ядаж эрхэм жүжигчнээс зөвшөөрөл авсан байгаа даа.

Эх сурвалж: Photonews.mn