НИТХТ-ийн 2020 оны 93 дугаар тогтоолоор баталсан “Нийслэлийн өмчийн концессын зүйлийн жагсаалт”-д туссан төслүүдийн уралдаант шалгаруулалтын бэлтгэл ажлын хүрээнд 2020 оны 09 дүгээр сарын 10-ны өдөр НШУҮИГ-ын дарга Б.Мөнх-Оргил, орлогч дарга Д.Түвшинбаяр, Төр, хувийн хэвшлийн хамтын ажиллагааны хэлтсийн дарга Ж.Тамжид нар төслүүдийн байршил дээр ажиллалаа.
Үндэсний цэцэрлэгт хүрээлэн ОНӨТҮГ-ын талбайд хэрэгжүүлэхээр төлөвлөж буй “Авто зогсоол барих төсөл”, “Спорт талбайн менежментийн төсөл”-ийн хүрээнд тус газрын дарга Ц.Энхбаяр, Хөгжил, төлөвлөлтийн албаны дарга бөгөөд ландшафтын архитектур Г.Уянга нартай уулзан санал солилцсон бөгөөд дээрх төслүүдийг дэмжиж, хамтран ажиллахаар боллоо.
“БЗД 4-р хороо, Хил хамгаалах ерөнхий газрын баруун талд байрлах спорт талбайн менежментийн төсөл”-ийн хүрээнд спорт талбайн тохижилтын ажлын явцтай танилцав.
