Тус хэлэлцүүлгийг “Эмээлтийн Хөнгөн үйлдвэрийн Үйлдвэрлэл Технологийн парк” ОНӨТҮГ-аас зохион байгуулсан. Хэлэлцүүлэгт Улсын Их Хурлын гишүүн Д.Өнөрболор, Нийслэлийн Засаг даргын Инноваци технологийн төслүүдийн асуудал хариуцсан удирдагч М.Халиунбат, Нийслэлийн Шинжлэх ухаан, үйлдвэрлэл инновацын газрын орлогч дарга Д.Түвшинбаяр, Үйлдвэрлэл инновацын хэлтсийн дарга Ш.Эрдэнэбаяр зэрэг холбогдох албан тушаалтанууд, Монголын арьс шир, ноос нооллуурын мэргэжлийн холбоо, Дэлхийн банкны судалгааны багийн гишүүд зэрэг холбогдох мэргэжлийн хүмүүс оролцож, салбарын өнөөгийн байдал, “Эмээлтийн Хөнгөн үйлдвэрийн Үйлдвэрлэл Технологийн парк”-ийн нийгэм эдийн засаг, байгаль орчны ач холбогдолын талаар хэлэлцүүлэг өрнүүллээ. Нийслэлийн Засаг даргын Инноваци технологийн төслүүдийн асуудал хариуцсан удирдагч М.Халиунбат Нийслэлээс хэрэгжүүлж буй Үйлдвэрлэл технологийн паркуудын өнөөгийн байдал, “Эмээлтийн Хөнгөн үйлдвэрийн Үйлдвэрлэл Технологийн парк”-ийн онцлог тус паркийн нийгэм эдийн засаг, байгаль орчин, экологийн нөлөөллийн талаар өөрийн байр суурийг илэрхийллээ.

Улсын Их Хурлын гишүүн Д.Өнөрболорын зүгээс Гадаадын хөрөнгө оруулалт, гадаад худалдааг дэмжих түр хороо байгуулах тухай Улсын Их Хурлын тогтоолын төслийг өргөн барьсан тухай мэдээлэл хүргэж, цаашид паркийн хөрөнгө оруулалтын асуудлыг шийдвэрлэх тал дээр дэмжин ажиллахаар боллоо.

Улаанбаатар хотод үйл ажиллагаа явуулж буй арьс ширний үйлдвэрүүдийн 96% нь “Эмээлтийн Хөнгөн үйлдвэрийн Үйлдвэрлэл Технологийн парк”-д нүүж очно гэдэг хүсэлтээ Монголын арьс шир, ноос ноолуурын мэргэжлийн холбоонд илэрхийлжээ.