Тус уулзалтад НШУҮИГ-ын дарга Б.Мөнх-оргил, Багануурын ҮТП-ын дарга Ч.Элбэгсайхан, ХХААХҮЯ-ны хэлтсийн дарга О.Онон болон холбогдох албаны төлөөлөгчид оролцон Багануурын үйлдвэр технологийн паркийн одоогийн нөхцөл байдлыг танилцуулж, ирээдүйн төлөвлөлт, цаашид хийгдэх ажлууд болон Багануурын ҮТП-ыг зүүн бүсийн үйлдвэрлэлийн төв болгох, хууль эрх зүйн орчинг сайжруулах тал дээр яамнаас дэмжлэг авах, дотоодын нано биотехнологийн үйлдвэрлэл зэрэг болон бусад асуудлуудаар санал солилцлоо. Цаашид тус яамны төрийн нарийн бичгийн даргын түвшинд холбогдох асуудлыг танилцуулж, шийдвэр гаргуулж ажиллахаа яамны төлөөлөл илэрхийллээ.