Энэ мэдээ хуучирсан буюу 2020/11/27-нд нийтлэгдсэн мэдээ болно.

ТӨР, ХУВИЙН ХЭВШЛИЙН ХАМТЫН АЖИЛЛАГААНЫ ХҮРЭЭНД “10 000 ПРОГРАММИСТ” ТӨСЛИЙГ ДЭМЖИЖ “ГЭРЭГЭ АКАДЕМИ” БАЙГУУЛАГДЛАА

Мэдээлэл, технологийн салбарын ажлын байрыг нэмэгдүүлэх, өндөр ур чадвар бүхий хүний нөөцийг бэлтгэх, багшлах боловсон хүчнийг чадавхжуулах, программ хангамжийн сургалтын хөтөлбөрийг сайжруулах зорилгоор дэлхийд өрсөлдөх чадвартай “10 000 программист” бэлтгэх төслийг нийслэлийн Засаг даргын Тамгын газар, нийслэлийн Шинжлэх ухаан, үйлдвэрлэл, инновацын газраас хэрэгжүүлж байгаа билээ.
“10 000 программист” бэлтгэх төслийг хувийн хэвшлийн аж ахуй нэгжүүд дэмжиж оролцохоо илэрхийлж байсан бөгөөд “Гэрэгэ системс” ХХК нь өөрийн нөөц бололцоо, туршлагадаа үндэслэн программ хангамжийн “Гэрэгэ академи”-ийг санаачлан байгуулж, сургалтын төвийн нээлтээ өчигдөр хийлээ. Энэхүү “Гэрэгэ академи”-ийн нээлт нь цаг үеэ олсон төсөл, хөтөлбөр болохыг өнөөдрийн арга хэмжээ батлан харуулж байна.
Нээлтийн үйл ажиллагаанд нийслэлийн Засаг даргын үүрэг гүйцэтгэгч Ж.Батбаясгалан, НЗДТГ-ын дарга Ц.Уртнасан нийслэлийн Инновац, технологийн асуудал хариуцсан төслүүдийн удирдагч М.Халиунбат, Гэрэгэ системс компанийн үүсгэн байгуулагч, гүйцэтгэх захирал Ц.Эрдэнэбат, багш Ю.Намсрай, Д.Гармаа болон академийн суралцагчид оролцов.
Нээлтийн үеэр нийслэлийн Засаг даргын үүрэг гүйцэтгэгч Ж.Батбаясгалан хэлсэн үгэндээ: “Аж үйлдвэрийн IV хувьсгал, мэдээлэл, технологийн салбартай хөл нийлүүлэн алхахгүйгээр бид дэлхий нийтийн хөгжилтэй хөл нийлүүлэн алхах боломжгүй эрин зуунд амьдарч байна.
Монгол Улс нь Төв Ази болон Зүүн Азийг холбосон дижитал дэд бүтцийн төв болохоос гадна дэлхийн болон үндэстэн дамнасан технологийн компаниудад хөрөнгө оруулах таатай нөхцөл бүрдүүлж, эдийн засгийн өсөлт нэмэгдэх, хөдөлмөр эрхлэлтийг хангах давуу талтай юм.
Улаанбаатар хот “цахим хот” болохын суурь үндэс нь чадварлаг программистууд юм. Тиймээс төр хувийн хэвшлийн хамтын ажиллагааг бүхий талаар дэмжиж ажиллана” хэмээлээ.
 
“ТӨСЛИЙН УДИРДЛАГЫН ҮНДЭС” СУРГАЛТЫН АГУУЛГА БОЛОВСРУУЛАХ АНХАН ШАТНЫ СУРГАЛТ, ХЭЛЭЛЦҮҮЛЭГ ЗОХИОН БАЙГУУЛАГДЛАА
“ТӨСЛИЙН УДИРДЛАГЫН ҮНДЭС” СУРГАЛТЫН АГУУЛГА БОЛОВСРУУЛАХ АНХАН ШАТНЫ СУРГАЛТ, ХЭЛЭЛЦҮҮЛЭГ ЗОХИОН БАЙГУУЛАГДЛАА
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2020/11/27-нд нийтлэгдсэн мэдээ болно.