Нийслэлийн Шинжлэх Ухаан, Үйлдвэрлэл, Инновацын газрын дарга Б.Мөнх-Оргил 2020 оны 08 сарын 04-ны өдөр Азийн сангийн Монгол дахь суурин төлөөлөгч болон холбогдох албаны төлөөлөгчдийг хүлээн авч уулзлаа.

Уулзалтанд Нийслэлийн Шинжлэх ухаан, үйлдвэрлэл, инновацын газрын дарга Б.Мөнх-Оргил, Орлогч дарга Д.Түвшинбаяр, Үйлдвэрлэл Инновацын хэлтсийн дарга Ш.Эрдэнэбаяр, Гадаад харилцаа хариуцсан мэргэжилтэн Г.Оюун-Эрдэнэ, Азийн сангийн суурин төлөөлөгчийн үүрэг гүйцэтгэгч Тришиа Төрболд, Хөтөлбөрийн менежер А.Цолмонтуяа нар оролцов.

Азийн сангаас KOICA-н санхүүжилтээр хэрэгжих төсөлд Нийслэлийн Шинжлэх ухаан, үйлдвэрлэл, инновацын газартай хамтран оролцох хүсэлтэй байгаагаа илэрхийлсэн бөгөөд газрын дарга Б.Мөнх-Оргил тус саналыг хүлээн авч, цаашид хамтран ажиллахаа илэрхийллээ.

Мөн “Бизнес эрхлэгч эмэгтэйчүүд төв” төсөл болоод залуу бизнес эрхлэгчдийг дэмжих бусад төслийг хэрэгжүүлэхэд хамтран ажиллах боломжтой талаар санал солилцов. Мөн Улаанбаатар инновацын төв, инновацын дэд бүтэц болох Баянхошуу, Сэлбэ бизнес инкубатор дэд төвүүд, үйлдвэрлэл, технологийн паркуудын мэдээлэлтэй танилцан талууд цаашдын хамтын ажиллагааны талаар нээлттэй ярилцлаа.