Оюу толгойн хөрөнгө оруулалтын гэрээг байгуулж бусдад давуу байдал олгосон гэх хэргээр төрийн өндөр дээд албан тушаал хашиж байсан олон хүн хоригдож байгаагийн хамгийн өндөр албан тушаалтан нь Ерөнхий сайд асан С.Баяр. Тэрээр 60 нэлээд гарсан, астм-тай гэгддэг. 

С.Баяр өөрийн найз Петровис компанийн захирал Ч.Даваанямд давуу байдал олгосон хэргээр хамт хоригдож байгаа. Анхан шатны шүүхээс С.Баярт 5, Ч.Даваанямд 2 жилийн хорих ял оноосон юм.

Харин Давж заалдах шатны шүүх ялыг бууруулж, С.Баярт 2.5 жил, Ч.Даваанямд 1 жилийн хорих ял оноосон. Тэд хэрэв энэ шийдвэрийг эсэргүүцвэл давж заалдах боломжтой ч одоогоор давж заалдсан мэдээлэл Улсын дээд шүүхэд ирээгүй байгааг албаны эх сурвалж дуулгав.

Учир нь С.Баяр давж заалдахгүй хэмээн өмгөөлөгчөөрөө дамжуулан ойр тойрнхондоо хэлж байгаа сурагтай. Шүүхийн шийдвэрийг өөрийн биеэс эдэлнэ гэсэн мэдээлэл байна. Учир нь өөрийн найз Ч.Даваанямын бие муу байгаа учраас түүнд давж заалдан эрх чөлөөтэй болж өөрийгөө тэнхрүүлэх боломжийг олгож байгаа гэх.