“Цахим” сайд

-Л.Оюун-Эрдэнийн өнөөх “400 сая жуулчин”-ыг өөрийнх нь томилсон

Б.Бат-Эрдэнэ оруулж ирнэ-

Байгаль орчин, аялал жуулчлалын сайдаар Шударга өрсөлдөөн хэрэглэгчийн төлөө газрыг “унтуулж” орхиод явсан Б.Бат-Эрдэнэ гэх нөхөр очсон. Байгаль орчин, аялал жуулчлал гэх энэ том салбарыг удирдах хэмжээний хүн бол тэр биш. Асар том бодлогын салбар шүү дээ. Түүнийг буруутгах аргагүй. Гагцхүү энэ хүнийг томилсон МАН, Гүйцэтгэх засаглалын тэргүүний буруу. Ийм хэмжээний нөхрийг томилсон Ерөнхий сайд Л.Оюун-Эрдэнийн өнөөх “400 сая жуулчин”-ыг Б.Бат-Эрдэнэ сайд нь Монгол Улсад оруулж ирж таарна. Улмаар аялал жуулчлалын салбараас ногоон мөнгө ч цутгах байх гэсэн найдлага ч байна. Тэрбээр өнгөрөгч сарын сүүлээр гадаадын улс орнуудад албан ажлаар явсан гэх. Бодоход “400 сая жуулчин”-аа оруулж ирэхээр явсан байх. Төрөөс хэмнэлтийн хууль баталж, гадна дотно томилолтыг хазаарлаад байхад зугаалаагүй байх гэж найдна.

Ямар ч эрүүл ухаанаар бодсон гол төлөв цахим орчинд ажлаа явуулдаг сайданцар энэ салбарт юу өөрчилж чадах юм. Мэргэжлийн хяналтын ерөнхий газарт Дэд даргаар ажиллаж байхаасаа л цахим орчинд ажлаа явуулдаг нөхөр байсан. Одоо бүр төгөлдөршиж, Төрийн сайдын суудлаас цахим довтолгоо хийж байгаагаас өөр зүйлгүй. Мэдэхгүй салбарт чадахгүй хүн өөр юу хийх юм.

Ямар сайндаа түүнийг сайдаар томилох эсэх асуудлыг УИХ-ын чуулганаар хэлэлцэж байх үеэр Ж.Ганбаатар гишүүн “Таныг харж байхад пиар чинь хэтэрхий их шүү. Ажлаа хийгээрэй. Хэтэрхий их сошиалаар болон пиараар ажлаа явуулдаг юм билээ” хэмээн захиж байсан бол Х.Болорчулуун гишүүн “Б.Бат-Эрдэнийг хүний хувьд мэдэхгүй, гэхдээ дуу хоолойгоо гаргаж байхыг нь харсан” хэмээж байв. Мөн Н.Алтанхуяг гишүүн “Ёстой сонин, сонин хүн сайд болж байна даа. Хоосон пиар битгий хийгээрэй. Хилээр оруулж ирсэн чанаргүй бараанд ТҮЦ ажиллуулж байгаа эмэгтэй ямар буруутай юм. Тэр эмэгтэйн буруу гэж шоудахаар дургүй хүрсэн. Хоосон пиараа боль” гэж байв. Зөвхөн гурван гишүүний байр сууриас харахад энэ мэтээр л түүнийг дүгнэнэ. Түүний хувьд Шударга өрсөлдөөн хэрэглэгчийн төлөө газрыг “унтуулж” явахдаа нэг муу ТҮЦ-ийн зүдэрсэн эмэгтэйг дээрэлхсэн юм. Угтаа бол чанаргүй барааг хилээр оруулж ирсэн дарга нарыг олж тогтоогоод шүүмжилж байх ёстой ч тэрбээр дарга нарт ая тал засаж, хоногийн хоолоо залгуулах гэж яваа ТҮЦ-ийн эмэгтэйг буруутгасан. Тэр ийм л нөхөр.

Угаасаа аялал жуулчлал, байгаль орчны салбарт огт хамаагүй хүн. Тодотговол, 1999 онд Улаанбаатарын их сургуулийг Түүх судлаач мэргэжлээр төгссөн шүү дээ.

Тэгээд ч тэр бизнесийн салбарт ажиллаж байгаад саяхан МАН-ын дотоод ажилд оролцох болсон, түүнээс бус төрд ажилласан дадлага туршлага ч байхгүй. МАН-ын үнэнч зүтгэлтэн болохоос төрийн албан хаагч огт биш. Одоо ч "Монгол Тулгат Финанс", "Монмарт трэйд" гэсэн хоёр компанийг 100 хувь эзэмшдэг, бизнесийнхээ салбараас салаагүй нэг “наймаачин” гэхэд болно. Ийм л нимгэн хэрнээ бараан талын намтартай хүн бодлогын том салбар удирдаж, цахим довтолгоо хийхээр Л.Оюун-Эрдэнийн Засгийн газар хэрхэн сайн нэр зүүх билээ.

Tumen.mn

Улаанбаатарт өдөртөө 3-5 хэм дулаан байна
БНСУ-ын ерөнхийлөгчийн тангараг өргөх ёслолд ЕТГ-ын дарга Я.Содбаатар оролцжээ
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Иргэн

    Нусан таг шдэээ энэ бацаан

  2. Иргэн

    Энэ засаг иймэрхүү туршлагагүй сайд нараасаа болж хамраараа зоогдоно харж л байгаарай Үнэн попын хаан хүн дэээ