Өчигдөр Дүүргийн иргэний хэргийн 1 дүгээр шүүхэд хотын захирагч Э.Бат-Үүлд холбогдох хэргийг шүүн хэлэлцлээ.  Иргэн Т.Мөнх-Оргил өөрийн Twitter-т үзэл бодлоо илэрхийлсний төлөө нэр төрд халдлаа хэмээн хотын захирагчийг шүүхэд өгсөн байв. Э.Бат-Үүл урьд нь “Өдрийн  сонин”-д  өгсөн ярилцлагадаа “...интернетээр баахан хараал урсгасны дараа таашаал авдаг болтой юм. Тийм өвчтэй, шар хадны галзуучуудын үгээр үг хийж болохгүй” гэсэн нь ийнхүү шүүхдэхэд хүргэжээ.  Шүүх хуралдаанд нэхэмжлэгч Т.Мөнх-Оргил, хариуцагч Э.Бат-Үүлийн өмгөөлөгч В.Гомбодорж нар оролцсон байна. Шүүгч Б.Ганболдын даргалсан шүүх бүрэлдэхүүн харин Т.Мөнх-Оргилын гомдлыг бүхэлд нь хэрэгсэхгүй болгожээ.

Б.Отгон Эх сурвалж: Tumen.mn