Нийслэлийн төв хэсэгт орших Алтан-Өлгийн оршуулгын газарт олон жилийн өмнөөс төрийн болоод нийгэм, соёлын зүтгэлтнүүдийн шарилыг тавьж ирсэн бөгөөд тэнд тусгай хамгаалалт зохион байгуулж байлаа. Тэгвэл энэ оны эхээр Засгийн газрын тогтоолоор улсын онц чухал объектын жагсаалтаас хасч нийслэлийн төр захиргааны байгууллагад даалгасан байв. Тэгээд ч сүүлийн жилүүдэд тэнд айлууд дураараа хашаа хатгаж, газрыг нь хууль бусаар эзэмшиж, хамгаалалтын горим алдагдсан байлаа. Иймд хотын захирагч Э.Бат-Үүл  саяхан Алтан-Өлгийн оршуулгын газрыг шинэчлэн төлөвлөх, засч сайжруулах тушаал гаргасан байна. Ойролцоогоор 300 гаруй метр талбайд нь зөвшөөрөлгүй буусан айлуудыг нүүлгэн шилжүүлж, Алтан-Өлгийн орчныг бүхэлд нь хотын ерөнхий төлөвлөгөөтэй уялдуулан цэцэрлэгт хүрээлэн маягаар сэргээн засварлах зураг төслийг батлуулж гүйцэтгэх, цаашид  оршуулгын үйлчилгээ эрхэлдэг байгууллагад хариуцуулах зэрэг асуудлыг шийдвэрлэхээр болжээ.

О.Баяр

Tumen.mn