УИХ-ын гишүүн Б.Энхбаяр Сангийн сайд Б.Жавхланд татварын байцаагч нарт олгосон урамшууллын асуулт тавьжээ.

Тэрээр "Татварын байгууллагууд өөрсдийнхөө зөрчлийг хяналтаас гаргасан байна. Удаа дараа ийм лобби хийдэг. 2015, 2017 онд болон одоо давтагдав. “Энэ бол мэргэжлийн маргаан. Бид хянуулахгүй. Бид өөрсдөө маргаанаа шийднэ” гэдэг. Үүний цаана авлига бий. Татварынхан хэний зөрчлийг хэрэг болгох, хэнийхийг мэргэжлийн алдаа болгохоо өөрсдөө шийднэ гэдэг. Олон тэрбум төгрөг дээр өөрсдөө, дангаараа шийдвэр гаргах хүсэлтэй. Мөн татварын орлого давлаа хэмээн өөрсдийгөө, бие биеэ хэдэн тэрбумаар шагнадаг. Энэ хэтэрч байна. Татварын байгууллагыг байранд нь тавих хэрэгтэй. Хөндлөнгийн хяналт байх ёстой” гэж байр сууриа илэрхийлжээ.

УИХ-ын гишүүн Б.Энхбаяр “Петрочайна Дачин Тамсаг” ХХК-ийн татварын маргаантай холбоотой баримтыг мөн ил болгов.

Татварын ерөнхий газрын Том татвар төлөгчийн газрын улсын байцаагч БНХАУ-ын хөрөнгө оруулалттай энэ компанид 3 их наяд 600 гаруй тэрбум төгрөгийн зөрчилд 2018 оны 12 дугаар сарын 26-ны өдөр 312 тэрбум төгрөгийн татварын акт тавьжээ.

“Петрочайна Дачин Тамсаг” компани актыг хүлээн зөвшөөрөхгүй, ТЕГ-ын дэргэдэх Маргаан таслах зөвлөлд гомдол гаргасан байна. Улмаар зөвлөл гомдлыг хэлэлцэн, нөхцөл байдлыг шалган тодруулах ажиллагаа нь бидний магадлан судлах боломжоос хэтэрсэн хэмээн үзэж, дээрх татварын актыг түдгэлзүүлжээ.

Энэ талаар УИХ-ын гишүүн Б.Энхбаяр "Татвар тавьж барьцтай болно. Татварын маргаан үүсгэж барьцаа ахиулна. Татварыг цуцалж “уучлал” үзүүлнэ. Татварын гэмт хэрэг, зөрчлийг прокуророор хянуулахгүй өөрсдөө шийднэ гэж Сангийн сайд Ч.Хүрэлбаатар байнга саад болдог. Авлигаа хянуулахгүй, өөрөө шийдэх л амбиц байгаа. Татварынхан 700 тэрбумын татварыг “уучилсан” нь өнөөдөр ил болж байна. Прокуророор хянуулахгүй, тийм хуулийг УИХ-аар оруулж ирдэггүй эсэргүүцдэг нөхөр бол Ч.Хүрэлбаатар." хэмээн байр сууриа илэрхийлэв.

УИХ-ын гишүүн, Эдийн засаг, хөгжлийн сайд Ч.Хүрэлбаатар Н.Энхбаяр гишүүний дээрх мэдэгдэлд нүүр номоороо дамжуулан дараах хариултыг өгөв:

"Б.Энхбаяр аа, татварын гэмт хэрэг үйлдсэн бол мөрдөн байцаагчид, прокурор, шүүх ажлаа хийх нь нээлттэй хэвээрээ. Мэдсээр байж нийгэмд гүтгэлэг тараах хэрэг байна уу. Харин татварын жижиг зөрчлөөр хэдэн ААН-үүдээ эрүүгийн гэмт хэрэгтэн болгож шоронжуулах шаардлагагүй. Татварын актыг хүчингүй болгочихлоо гээд байсан гүтгэлэгт Сангийн яам хариу өгчээ. Хүчингүй болгоогүй л юм байна. Яг үнэндээ намайг Сангийн сайд байхад буюу 2018 оны сүүлээр татварынхан акт тавьсан байдаг юм. Акт тавьснаа гүтгэж доромжлох чинь харин хаанахын ёс вэ?"

Сангийн яамны Орлогын газрын дарга Б.Тэлмүүн дараах тайлбаруудыг өгчээ