“Транспаренси интернейшнэл” олон улсын төрийн бус байгууллагаас 2000 онд гаргасан “Авлигын эсрэг сурвалж бичиг” номонд авлигын түгээмэл хэлбэрүүдийг жагсаажээ. Энэ жагсаалтанд мэхлэх, луйвардах, худал мэдүүлэх, хуурах, залилах  зэрэг гэмт үйлдлүүд ч багтсан  байна. Ийм гэм этгээдүүд өнөөдөр  Монголд хог шиг  хөглөрч буй.   Авлигатай тэмцэх газрын судалгаа шинжилгээний ажилтнуудын жил бүрийн судалгаагаар ялангуяа газрын албаныхан анхаарал татсаар байна. Тэд иргэдэд газар олгохдоо авлигад автаж, залилангийн шинжтэй гэмт үйлдэл ч хийж байгаа аж.   

2003 оноос хойш газар өмчилж авах гээд одоо болтол чадаагүй яваа хүн ч тааралдана. Учрыг сонсохноо газрын албаныханд амаараа шороо үмхэтлээ хууртагдаж орхиж.  Ийм нэгэн  хэрэг  өнгөрсөн оны сүүлчээр Баянгол дүүргийн  Өмчийн харилцааны газрын мэдлээс  хальж, цагдаа, Авлигатай тэмцэх газрын мөрдөн шалгагчдын гарт шилжсэн боловч одоогоор эцэслэн шийдэгдээгүй байгаа ажээ.

Б.Отгонбаяр

tumen.mn