Өнгөрсөн сард Сүхбаатар аймагт дэгдсэн хээрийн түймэрт долоон айл өртсөн харамсалтай хэрэг гарсан бол энэ сарын 19-20-нд шилжих шөнө тус аймгийн Эрдэнэцагаан сумын нутагт хээрийн түймэр гарч 12 айл өртөж, 72 настай нэг эрэгтэй амиа алджээ. Түймэрт өртсөн 12 гэрийн дөрөв нь “Эрдэнэ овоо” уурхайн компанийн гэр байсан бөгөөд түймэр гарсан шалтгааныг эцэслэн тогтоогоогүй ч уурхайн ажилчин паяалникаас гал алдсан байж болзошгүй гэнэ.

Тал хээрийн бүс нутагт цас ороогүй газрын хөрс хуурай, өвс ихтэй  байгаа тул ард иргэдийг сонор сэрэмжтэй байж үнс нурмаа ил задгай асгалгүй битүү саванд хийж, галын анхан шатны хор, унтраалгыг автомашиндаа авч явах, аливаа техник төхөөрөмжтэй болгоомжтой харьцаж, тамхины иш, шүдэнзээ бүрэн унтрааж хаяхыг ОБЕГ-аас анхаарууллаа.

Эх сурвалж fact.mn