Ховор ан амьтаныг хууль бусаар агнагчдыг хулгайн анчид гэх. Ийм анчид үргэлж зүс царай, зүг чигээ буруулан зугтаадаг. Саяхан Баян-Өлгий аймгийн Ногооннуур сумын нутагт хоёр тэх, нэг янгирын сэг  автомашины зам дагуу газраас олджээ. Тэдгээрийн зөвхөн толгойн хэсэг л үлдсэн байв. Үүнийг  харсан хэн ч тэх, янгирыг ирвэс юм уу, өөр амьтанд бариулж үхсэн гэж үзэхгүй байгаа аж. Хулгайн анчид эдгээр ховор амьтдынхаа толгойг тасалж  хаяад зугтаасан нь тодорхой байна. Гэхдээ нутгийн захиргаа, мал эмнэлэгийн албаныхан тэдгээр янгирын толгойноос дээж авч шинжилгээнд өгсөн гэнэ. Одоогоор шинжилгээний хариу гараагүй байгаа ажээ. Алсан этгээдийг эрэн сурвалжилж буй  гэх боловч тэд ор сураггүй хэвээр байна.

Б.Баяр

tumen.mn