Манай сайт урьд нь хамтран амьдарч байсан эмэгтэйгээ зэрлэгээр хөнөөсөн Г.Алтанхүүгийн хэрэгт шүүх эмнэлэгийн шинжээч эмч нар хуурамч дүгнэлт гаргасан тухай мэдээлсэн билээ. Тэгвэл уг хэргийн эзэд тодорч,  мөрдөн шалгах ажиллагаа нь бараг дуусч буй ажээ. Г.Алтанхүү  найз бүсгүй Н.Цэдэн-Ишийг зодож, биед нь олон тооны шарх үүсгэсэн байв. Шүүхийн шинжилгээний үндэсний төвийн эмч нар харин хоорондоо зөрүүтэй, илт хуурамч дүгнэлтүүдийг гаргасан нь хэргийн мөн чанарыг үнэн зөв тогтооход хүндрэл учруулж байжээ. Хуурамч дүгнэлт гаргахад шүүхийн эмч Б.Ундармаа, Ч.Эрдэнэболор, Ц.Бадамсэд, З.Хишгээ Ж.Ганцэнгэл нарын 12 хүн оролцсон байна. Г.Алтанхүүгийн хэргийг мөрдөн шалгах явцад тэдгээр эмч нарын буруу, хуурамч дүгнэлтийг өмгөөлөгч нар нь үгүйсгэж байсан бол одоо тэдэнд эрүүгийн хариуцлага хүлээлгэх дээр тулж ирээд байна. Эмч нар Эрүүгийн хуулийн тусгай ангийн 254,  255-д заасан худал мэдүүлэг өгөх, шинжээчийн дүгнэлтийг хуурамчаар гаргах зүйл заалтуудыг зөрчсөн нь нэгэнт тодорхой боллоо гэж прокурорын байгууллагаас мэдэгджээ.  

Б.Баяр 

Tumen.mn