Брэд Питт & Анжелина Жоли

 

 

 

 

 

 

 

 

 

 

 

 

 

 

“Mr. & Mrs. Smith” (2005) киноны үеэр Холливудын хамгийн алдартай хосуудын хайрын романс эхэлсэн байдаг. Энэ тухайгаа Анжелина Жоли хэдэнтээ үгүйсгэсэн ч эцэст нь киноныхоо зураг авалтын үеэр Брэд Питтэд дурласан гэдгээ нийтэд дэлгэсэн билээ. Хосууд долоон жил хамт амьдарсны эцэст 2012 оны дөрөвдүгээр сард сүй тавьж, 2014 оны наймдугаар сарын 23-ны өдөр Франц дахь хувийн харшдаа “нууцхан” хуримласан юм. Хуримын ёслолыг хүүхдүүд нь зохион байгуулсан гэдгээрээ хамгийн гайхалтай хуримын ёслол болсон бөгөөд ёслолд 20 орчим хүн л оролцсон ажээ.

Ннамди Асомугха & Керри Вашингтон

 

 

 

 

 

 

 

 

 

 

 

 

 

 

Гэр бүл, найз нөхдийнхөө хүрээнд цомхон хэмжээний хуримын ёслолыг 2013 оны зургаадугаар сарын 24-ний өдөр хийсэн жүжигчин Керри Вашингтон, АНУ-ын мэргэжлийн хөлбөмбөгийн тамирчин Ннамди Асомугха нар 2014 оны дөрөвдүгээр сарын 21-ний өдөр бяцхан охинтой болсон билээ. Телевизийн “Scandal” цувралд бүтээсэн дүрийнхээ адилаар жүжигчин Керри Вашингтон бодит амьдрал дээр ч гэсэн гэр бүлийнхээ нууцыг хэрхэн хадгалахаа мэднэ.

Дэкс Шепард & Кристен Белл

 

 

 

 

 

 

 

 

 

 

 

 

 

Хуримынхаа ёслолыг хамгийн өвөрмөц байдлаар төсөөлдөг хүмүүсийн нэг нь жүжигчин Кристен Белл юм. Хосууд 2007 оноос болзож эхэлсэн ба 2010 оны нэгдүгээр сард сүй тавьсан юм. Харин гэрлэлтийн хувьд Калифорния мужид ижил хүйстэн хүмүүсийн гэрлэлтийг хуулиар зөвшөөрсөн цагт л хуримлана гэж тангараглажээ. Ингээд ижил хүйстнүүдийн хуримлахыг Калифорния мужид зөвшөөрсөн 2013 оныхоо аравдугаар сарын 17-ны өдөр хуримлажээ. Гэрлэх саналыг Кристен Белл эхэлж тавьснаас гадна Твиттерээр “Надтай гэрлээч!” хэмээн жиргэсэн нь олны анхаарлыг эрхгүй татсан билээ.

Дэниел Крэйг & Рэйчел Вайс

 

 

 

 

 

 

 

 

 

 

 

 

 

 

Олон жилийн турш найз нөхдийн харилцаатай байсан жүжигчин Дэниел Крэйг ба Рэйчель Вайс нар “Dream House” (2011) кинон дээр хамтран ажиллаж байсан юм. 2010 оны арван хоёрдугаар сараас болзож эхэлсэн тэдний гэрлэх ёслол Нью Йорк хотноо болжээ. 2011 оны зургаадугаар сарын 22-ны өдөр тохиосон хуримын нууцхан ёслолд дөрвөн зочин л уригдсаны дотор Дэниел Крэйгийн 18 настай охин Элла, Рэйчел Вайсын 5 настай хүү Хенри нар багтсан юм.

Саша Барон Коэн & Айла Фишер

 

 

 

 

 

 

 

 

 

 

 

 

 

 

Хайр сэтгэлийнхээ төлөө иудын шашинаасаа хүртэл татгалзсан нэрт жүжигчин Айла Фишер Саша Коэн нар 2002 онд нэгэн үдэшлэг дээр танилцжээ. Ингээд 2004 онд сүй тавьж улмаар 2010 оны гуравдугаар сарын 15-ны өдөр гэрлэсэн юм. Тэдний хуримын ёслол Парис хотноо уригдсан зургаан зочины хамт болсон байдаг. Өнөөдөр Холливудын алдартай, аз жаргалтай гэр бүлийнхэн маань хоёр охины эцэг эх болжээ.

Оливье Мартинес & Хэлли Берри

 

 

 

 

 

 

 

 

 

 

 

 

 

Францын жүжигчин Оливье Мартинес Хэлли Берри нар “Dark Tide” (2010) киноныхоо зураг авалтын үеэр хайр сэтгэлийн холбоотой болжээ. Оливье нь жүжигчин Хэлли Берригийн зохиосон тав дахь амьдрал нь болсон бөгөөд тэдний хуримын ёслол 2013 оны долоодугаар сарын 13-ны өдөр болсон юм. Хосууд амьдралынхаа хамгийн нандин бэлэг болсон бяцхан хүү Масеогоо хуримласан 2013 ондоо өлгийдөж авсан билээ.

Райан Рейнольдс & Блейк Лайвли

 

 

 

 

 

 

 

 

 

 

 

 

 

 

Өмнөд Каролинагийн түүхэн дурсгалт “The Boone Hall” хэмээх үзэсгэлэнтэй газар хуримынхаа ёслолыг нууцхан үйлдсэн жүжигчин Райан Рейнольдс ба Блейк Лайвли нарын хурим 2012 оны есдүгээр сарын 9-ний өдөр болж байжээ. “The Green Lantern” (2010) киноны үеэр учирсан дурлалт хосууд амьдралаа холбохоос өмнө Райан Рейнольдс нь Скарлетт Йоханссонтой гэр бүл байсан бол Блейк Лайвли нь Пенн Бэджли, Леонардо Ди Каприо нартай болзож байсан юм. Хуримынхаа ёслолыг нууцхан үйлдсэн тэдний хуримын даашинзыг нэрт дизайнер Марта Стюарт зохион бүтээжээ.

Адам Левин & Бехати Принслу

 

 

 

 

 

 

 

 

 

 

 

 

 

 

“Maroon 5” хамтлагийн дуучин Адам Левин 2012 оны тавдугаар сараас алдарт “The Victoria’s Secret”-ийн сахиусан тэнгэр Бехати Принслутай болзож эхэлжээ. Удалгүй буюу 2013 оны гуравдугаар сараас дурлалт хосуудыг хоёр тийшээ болсон тухай мэдээлэл хэвлэлээр цацагдаж багагүй шуугиан дэгдээж байсан ч 2013 оны долоодугаар сард сүй тавьснаа албан ёсоор зарласан байдаг. Гэвч тэдний 2014 оны долоодугаар сарын 19-ний өдөр тохиосон хуримын ёслол тийм ч сүр дуулиантай болоогүй юм.

Жей Зи & Бейонсе

 

 

 

 

 

 

 

 

 

 

 

 

 

 

 

Дэлхийн хамгийн чинээлэг, хамгийн алдартай хосуудын хуримын ёслол 2008 оны дөрөвдүгээр сарын дөрөвний өдөр нууцхан тохиож байсан билээ. 2014 оны байдлаар 300.000.000 ширхэг цомгийн борлуулалтыг хийсэн Жей Зи ба Бейонсе нар “03 Bonnie & Clyde” сингл дээрээ хамтран ажилласан 2002 оноос хайр сэтгэлийн холбоотой болсон юм. Бейонсийн хөл хүнд болсон тухай мэдээ нь “Гиннесийн дэлхийн дээд амжилтууд” номд бүртгэгдсэн бөгөөд энэхүү сайхан мэдээг секунд тутам 8868 удаа жиргэж байжээ.

Бен Аффлек & Женнифер Гарнер

 

 

 

 

 

 

 

 

 

 

 

 

 

 

“Daredevil” (2003) дэлгэцийн бүтээлд хамтран тоглосон Бен Аффлек ба Женнифер Гарнер нар 2004 оноос болзож эхэлжээ. Тэрбээр Женнифер Гарнерийн 33 насны төрсөн өдрийн баяраар гэрлэх санал тавьж хосууд 2005 оны зургаадугаар сарын 29-ний өдөр Карибын тэнгисийн үзэсгэлэнт эрэг дээр хуримын ёслолоо “нууцаар” үйлджээ. Тухайн үед дөрвөн сартай хөл хүнд байсан Женнифер Гарнер өнөөдөр гурван хөөрхөн үрийн зулай үнэрлээд байгаа билээ.

 Эх сурвалж: cekc.mn