Дорнод аймгийн Ардчилсан намынхан  дотроо хоёр, гурван хэсэг болж талцан тэмцэлдсээр байгаа билээ. Үүнийг нь хөндлөнгийн зарим ажиглагчид “фракцуудын зөрчил” гэж байна. Үнэн болов уу. Энэхүү тэмцэлд одоо үндсэндээ “Алтангадас”, “МоАХ” хоёр “үзүүр түрүүн”-д тунаж үлдээд “барилдаж” байна. МоАХ-ыхны ард Ерөнхийлөгч Ц.Элбэгдоржийн дэмжлэг бий гэж мэдэмхийрэх нэгэн ч тааралдана.  Тэгвэл Ерөнхий сайд асан Н.Алтанхуягийнхан “Алтангадас”-ын гишүүдээ дэмжиж, орон нутаг дахь засаглалыг бүхэлд нь гартаа атгах санаатай үзэлцэж байгаа аж. Харин хэд хоногийн өмнөөс тэдгээрийн дундаас гэнэт “холимог” бүлэг гарч ирээд Дорнод аймгийн Засаг дарга С.Ганбатыг огцруулах шаардлага тавин жагсаал зохион байгуулж эхэлжээ. Энэ үеэр буюу өчигдөр тус аймгийн АН-ын байранд байрладаг PBS телевиз рүү 40 орчим хүн дайрч орж, техник хэрэгсэл, сандал ширээг нь эвдэн сүйтгэсэн байна. Хэргийг аймгийн цагдаагийн хэлтсийнхэн шалгаж эхлээд байгаа ажээ.  

Б.Баяр   

tumen.mn