Оюу толгойн далд уурхайн хөрөнгө оруулалт хэзээ шийдэгдэх нь тодорхой бус хэвээр байгаа. Зарим эх сурвалжууд 2019 он хүртэл шийдэгдэхгүй гэж байна. Харин өчигдөр “Оюу толгой” компанийн баяжуулах үйлдвэрт гал гарлаа гэсэн мэдээлэл бидэнд 19 цагийн орчимд ирсэн юм. Тус үйлдвэрт ажиллаж байгаа хамгаалалтын албаныхнаас тодруулахад “Энэ талаар бид нарийн мэдээлэл өгөх боломжгүй. Гал гарсан шалтгааныг одоогоор гагнуурын оч үсэрсэнтэй холбоотой гэж үзэж байна. Гал гарснаас хойш гурван цаг орчимын дараа бүрэн унтраасан. Хохирол гээд байх онцын зүйл алга” гэсэн юм.  Галыг орой 19 цаг 30 минутын орчимд унтраажээ.

Б.Отгонбаяр

Tumen.mn