Энэ онд манай улсад олон улсын спортын тэмцээн 10 зохиогдсон бол ирэх онд 14 болж нэмэгдэх ажээ. Засгийн газрын хуралдаанаар эдгээр тэмцээнийг зохион байгуулах зардлыг хэлэлцсэн байна. Нийт дүнгээрээ манайх ирэх жил дээрх 14 тэмцээнд нэг тэрбум төгрөг зарцуулахаар боллоо. Нисэх загварын ДАШТ, Туялзуур сэлэмний залуучуудын Азийн АШТ, Хөлбөмбөгийн “Asian cup-2015” Азийн цомын тэмцээн, “Улаанбаатар марафон-2015” олон улсын гүйлт зэрэг 14 тэмцээнийг зохион байгуулахад энэхүү нэг тэрбум төгрөг хүрэлцэх эсэх нь одоогоор тодорхой бус байна. Төлөвлөх нэг хэрэг, ажил хэрэг өрнөх явцад гадныхны өмнө нүүр улалзуулах явдал бишгүйдээ л гардаг гэсэн спортын зүтгэлтний үг ортой болов уу.

Б.Баяр  

Эх сурвалж: Tumen.mn