нийтлэсэн Admin
Монголын боксын холбоо энэ сарын 2-нд болсон хурлаараа нэлээд хэдэн анхаарал татсан шийдвэр гаргажээ. Х.Энхдэлгэрийг бүх насаар нь сонирхогчдын бокст тоглох эрхийг нь хассан бол эмэгтэйчүүдийн шигшээ багт тоглодог УХМ М.Нандинцэцэг, Э.Уянга, О.Сувд-Эрдэнэ нар хөөгдсөн байна.энэ гурван тамирчинаа хөөх болов гэхээр тэд шигшээ багийн дасгалжуулагч Б.Энхтайваны хэлсэн ярьсан бүхнийг үл хүндэтгэж байсан гэнэ.
Тамирчид Жэжүд болсон ДАШТ-д багийн дасгалжуулагч Б.Энхтайваныг үл хүндэтгэж, түүний ур чадварыг голон, хэл ам таталж байсан байна. Тэд хуучин шигшээ багийн дасгалжуулагч байсан Л.Энхбаатарын удирдлага дор хичээллэхийг хүсчээ. Монголын шилдэг гурван тулаанч бүсгүйчүүд дасгалжуулагчаа голсон шалтгаан нь Б.Энхтайван тамирчидтайгаа бүдүүлэг харилцдаг, зан харьцааны асуудалтай хэмээн гомдолсон байна. Иймээс тэднийг шигшээ багаас хассан бөгөөд тэмцээнд оролцохыг хүсвэл өөрсдөө зардалаа гаргах болжээ. Эх сурвалжийн мэдээлж буйгаар тамирчин бүсгүйчүүд Холбооноосоо уучлал хүсч, алдаагаа ойлгож засахыг хүсвэл МБХ асуудлыг эргэн харах гэнэ.
Эх сурвалж: Шуурхай.мн
