Хэн нэгэнд байхгүй зүйлээр нь туслах хамгийн сайхан санагддаг. Учир нь “Хүүхэд ирээдүйн эзэд” төрийн бус байгууллагаас санаачилан их аян 2015 оныг угтах баяр баясгалан дээр улам их аз жаргал нэмж байна. Тиймээс өмнөх он жилүүдээс нэгэн шинэ сэргэг зүйлтэй шинэ оноо угтаж буй Монгол түмэндээ баярлалаа гэж хэлмээр санагдлаа. Нэн ядуу, эмзэг бүлгийн болон хөгжлийн бэрхшээлтэй 20 мянган хүүхдэд гарын бэлэг өгөх их ажилыг “Хүүхэд ирээдүйн эзэд” төрийн бус байгууллагынхан санаачлан Улаанбаатар паласт бүтэн долоо хоногийн “Гала” тоглолт зохион байгулж байна. Энэ их ажилд хүн бүр сэтгэл зүрх нэгтэйгээр хамтарч байгаа. Тэдний нэг бол Монголын үнэдэсний дээд сургуулийн удирдлага хамт олон юм. Ингээд тус сургуулийг төлөөлж оюутаны хөгжлийн албаны дарга Д.Гантуяатай цөөн хором ярилцлаа.
-Танай сургууль үүсэн байгуулагдаад хэдэн жил болж байна?
-Манай сургууль анх номын гэгээн өргөөнийхөө үүдийг нээсэн цагаас хойш 16 жил болж байна. Одоогоор 12 мянган оюутантай 400 гаруй багштай үйл ажиллагааагаа явуулж байна. Нэжг үгээр хэлэх юм бол оюун ухаан, бяр хүч нь тэнхэрч эрийн цээнд хүрлээ гэсэн үг. 16 насыг монголчууд маань маш их бэлэгшээдэг шүү дээ. Тэгэхээр 16 жилийн бол амжилт, хөгжлийн үргэлжлэл юм.
-12 мянган оюутан гэдэг маш их тоо. Сүүлийн үед их сургууль дүүргэсэн олон мянган хүн ажлын байргүй байгаа. Танай сургуулийн удирдлага энэ тал дээр хэр анхаардаг вэ?
-Манаэй сургуулийн үе үеийн төгсөгчид ажлын байранд нэг их санаа зовдоггүй. Сургуулийн удирдлага, багш, оюутанууд бүх зүйлд хамтарч ажилладаг болохоор бид хүүхдүүдээ төгсгөөд мартчихдаг хамт олон биш. Хэн хаана юу хийж явна хаана ямар ажлын байр байна гэдгийг сурвалжилж судалж төгсөгчдөө ажилын байраар нь хангах тал дээр нэлээд анхаарал хандуулдаг.
-Та энэ сургуульд хэдэн жил ажиллаж байна вэ?
-Би долоон жил ажиллаж байна. Багш хүнд эрх мэдэл гэхээсээ илүүтэйгээр ухамсар, хариуцлага л их байдаг гэж ойлгож ажилдаг даа.
-Танай хамт олон сайн үйлсийн аянд нэлээд оролцдог юм шиг санагддаг энэ талаар тодруулвал?
-Манай сургууль оюутаны дөрвөн талт хөгжил хөтөлбөрийг хэрэгжүүлдэг цорын ганц хувийн сургууль. Оюутанууд өнөөдрийн мэргэжлийн төвшид суралцахаас гадна нийгмийн хувьд бүрэн төгс төлөвшисөн байх ёстой гэж үзэж сургууль маань маш олон чиглэлээр сургалт явуулдаг. Үүнийхээ сууриар нийгмийн эмзэг талд дэм тус болох үүднээс аян өрнүүлж оролцдог.
-“Хүүхэд ирээдүйн эзэд” ТББ-тай хамтран 20 мянган хүүхдийг баярлуулах аян өрнүүлж байгаа энэ талаараа яриач?
- Энэ аянд манай хамт олон бүрэн бүрэлдэхүүнээрээ оролцож байгаа. Б.Энхбаяр захиралтай “Хүүхэд ирээдүйн эзэд” төрийн бус байгууллага манай сургуулийг сонгож авч ажиллаж байгаад баяртай байна. Өнөөдөр өвлийн өвгөн ааваас бэлэг авч үзээгүй маш олон хүүхэд энэ нийгэмд амьдарч байгаа. Тиймээс тэр хүүхдүүдийн сэтгэлийг гийлгэх ийм сайхан аян өрнүүлж байгааг сонссон хүн бүр үүнд сэтгэл зүрхээрээ оролцох нь мэдээж шүү дээ. Нөгөө талаар энэ хүүхдүүдэд зориулж долоо хоног үргэлжлэх “Гала” тоглолтын билет, марктинг дээр манай хамт олон бүрэн бүрэлдэхүүнээрээ ажиллаж байна. Монголынхоо ард түмнийг ч энэ тоглолтыг үзээрэй гэж уриалъя.
Дуучин Б.Энхбаяр 20 мянган хүүхэдтэйгээ зарлалаа
Монгол Улсын СТА- дуучин Б.Энхбаярыг нэгэн үеийн халхын сайхан эр Юндэнгийн дүрээр нь монголын ард түмэн андахгүй. Тэгвэл дуучин маань саяхан хорин мянган хүүхэдтэйгээ монголынхоо ард түмэнд зарлажээ. Учир нь тэрбээр “Хүүхэд ирээдүйн эзэд” төрийн бус байгууллагатай юм байна. Энэхүү байгууллагаараа дамжуулан нийгмийн эмзэг бүлгийн хүүхдүүдэд туслах олон ажил өрнүүлдэг дуучин Б.Энхбаяр маань шинэ жуилийн босгон дээр UB паласт гала тоглолт хийж олсон орлогоороо 20 хүүхдэд өвлийн өвгөн аавын бэлэг авч өгөхөөр болжээ. Тоглолт энэ сарын 10-17-ны хооронд болох бөгөөд ардын жүжигчин, гавьяат гэх мэт 30 гаруй уран бүтээлч оролцох юм байна.
Эх сурвалж: Unen.mn
