“Рио Тинто” компанийн удирдах албан тушаалтнууд Монголд иржээ. Одоогийн байдлаар хэдэн хүний бүрэлдэхүүнтэй, ямар асуудал хэлэлцэхээр ирснийг апбаныхан нууцапж байна.

Учир нь “Рио Тинто” Монголын талтай шийдэлд хүрэх олон асуудал хүлээж байгаа юм. Өнгөрсөн оны аравдугаар сард “Оюутолгой” компанийн ТУЗ-ийн гишүүд Лондонг зорьж, “Рио Тинто’’-ийн удирдлагуудтай хэлэлцээр хийгээд ирсэн.

Уг хэлэлцээрийн үеэр хоёр орны төлөөлөгчид 30 асуудап хэлэлцсэнээс 15-д нь тохиролцож чадсан хэмээн мэдээлж байсан. Уулзалтын дараа үе шаттайгаар асуудлаа цэгцпээд явна гэдгийг ТУЗ-ийн гишүүд мэдэгдсэн ч дорвитой шийдэлд хүрэхгүй байсаар өдий хүрсэн.

Ерөнхий сайд Ч.Сайханбилэг “Эдийн засагт бүх анхаарлаа хандуулна” гэдгээ өмнө нь хэлж байсан. Тэгвэл шийдлийн Засгийн газар ажлынхаа гарааг “Рио Тинто’’-ийн төлөөлөгчдийг хүлээн авснаар эхэлж байна.

УИХ-ын чуулганы өнгөрсөн мягмар гаригийн хуралдаанаар Ерөнхий сайд Ч.Сайханбилэг “Рио Тинто’’-ийн төлөөлөгчид Монголд ирж байгааг чуулганы индрээс зарлаж, цүнхгүй сайд гэх шүүмжлэлд өртөөд байсан М.Энхсайханы ажил эхэлснийг сануулсан.

Энэ тухай Засгийн газрын Хэвлэл мэдээлэл, олон нийттэй харилцах албанаас тодруулах гэсэн боловч тоймтой хариу өгөөгүй юм. Харин “Оюутолгой” компаниас тодруулахад ямар уулзалтад оролцохоор хэдэн хүн ирснийг хэлэх боломжгүй” гэв.

Талууд маргаантай асуудлаа шийдэж дуусах хүртлээ хэвлэлд тодорхой мэдээлэл өгөхгүй байхаар тохиролцсон юм байна. Өнгөрсөн есдүгээр сарын сүүлээр “Рио Тинто”-ийн нэгдүгээр хүн манай улсад ирнэ гэсэн мэдээлэл гарсан. Тэгвэл энэ удаад ерөнхийлөгч нь ирээгүй ч удирдах албан тушаалтнууд нь ийнхүү ирээд байна.

 Эх сурвалж: www.dorgio.mn