нийтлэсэн Admin

Шийдлийн Засгийн газрын урьд нь өрөө өрөөндөө тохиролцоод шийдчихсэн байсан сайд нарыг өчигдрийн УИХ-ын чуулганаар хэлэлцсэн болоод тамгыг нь атгуулсан. С.Баярцогт, Д.Дорлигжав, Ж.Эрдэнэбат зэрэг нэр дэвшигчдийг багагүй байцаасан бол Д.Цогтбаатар, Д.Эрдэнэбат нарыг сүйдтэй байцаасангүй тэгсгээд кнопдоод баталчихав. Харин АН-ынханд багагүй ээрэгдэж, эхнэр хүүхдээ хүртэл оролдуулж хаширсан Ё.Отгонбаяр гишүүний гомдол өнөөдрийг хүртэл бүрэн сайн арилаагүй бололтой саяхныг хүртэл УИХ дахь АН-ын бүлгийн даргаар ажилласан Аж үйлдвэрийн сайдад нэр дэвшигч Д.Эрдэнэбатаас эвгүйхэн асуулт асууж жаахан улалзуулаад авна лээ. Ялангуяа өнгөрсөн хугацаанд эрх баригч АН-ын аливаа үйл ажиллагаанд тун ч сэтгэл дундуур явсаар ирсэн Ё.Отгонбаяр гишүүн нэр дэвшигч Д.Эрдэнэбатаас “Засгийн газрын гишүүн нь УИХ-ын гишүүнийг хамтад нь хашихыг багагүй эсэргүүцдэг байсан хүний хувьд та давхар дээлээ тайлах уу” гэж асуухад Аж үйлдвэрийн сайдад нэр дэвшигч маань “Өнөөдөр Монгол Улсын Үндсэн хуулийн хүрээнд л ажиллана” хэмээн нөгөө л бэлэн, жаахан бөөрөнхий хариултаа хэлж хоёр яс сална лээ. Нэг нь зуулттай асууж, нөгөөх нь илсэн хариулт хэлээд л. Сайхан даа, сайхан.
Эх сурвалж: