Жил бүр уламжлал болгон зохион байгуулдаг “БАРИЛГАЧДЫН ӨДӨР”-2024, Оны шилдэг аж ахуйн нэгж, байгууллага шалгаруулах ёслол, төрийн болон төрийн бус байгууллагуудын нээлттэй өдөрлөг арга хэмжээ өнөөдөр /2024.09.06/ Барилгачдын талбайд зохион байгуулагдаж байна.
Энэ жилийн арга хэмжээ нь Хот байгуулалт, барилга, орон сууцжуулалтын салбарт төрийн болон төрийн бус байгууллагуудаас үзүүлж буй нээлттэй өдөрлөг арга хэмжээ бөгөөд иргэд, ААНБ-уудад нэг цэгийн үйлчилгээ үзүүлж байгаагаар онцлог болж байна.
Энэ хүрээнд салбарын 27 аж ахуйн нэгж байгууллага шилдэг аж ахуйн нэгж, байгууллагын шалгаруулалтад оролцож дараах “Шилдэг -10” аж ахуйн нэгж байгууллага тодорч, тугийг барилгачдын талбайд мандууллаа.
ШИЛДЭГ АЖ АХУЙН НЭГЖҮҮД...
1. Барилга угсралтын чиглэлээр:
“Макс Өргөө” ХХК;
“Нью Тур” ХХК
2. Барилгын материал үйлдвэрлэлийн чиглэлээр:
“Мөнх-Од цацрал” ХХК;
“Мөнхийн Гэгээ Цонх” ХХК
3. Барилга байгууламжийн зураг төслийн чиглэлээр:
“Татах хүч” ХХК;
“Скайлайн дизайн” ХХК
4. Өргөх байгууламжийн угсралт, засвар үйлчилгээний чиглэлээр:
"Визард экспресс консалтиг " ХХК
5. Нийтийн аж ахуйн чиглэлээр:
“Илчлэг шивээ” ОНӨААТҮГ;
“КСИМС” ХХК
6. Хөдөлмөр аюулгүй байдал, эрүүл ахуй чиглэлээр:
“НБИК” ХХК
