Эмч, эмнэлэгийн ажилтнуудын ажлын нөхцөл байдлаас шалтгаалан цалинг 10 хувиар нэмж урамшуулахаар болсон билээ. Үйлдвэрчний байгууллагын хүсэлтээр Засгийн газар гурван талт хэлэлцээрийн үр дүнд ийнхүү шийдсэн юм. Гэвч энэ оны 9 дүгээр сарын 1-нээс олгох уг урамшуулал, нэмэгдлийг олгоогүй тул тус дүүргийн эмч нар өчигдөр эсэргүүцэл илэрхийлж, удирдлагууддаа  шаардлага хүрүүлжээ.

Эмч, сувилагч нар ямархуу хүнд нөхцөлд ажил үүргээ гүйцэтгэж байгааг мэдэхгүй хүн үгүй болов уу. Төсвөө зөв хуваарилж чадахгүй дарга нарын арчаагүй үйлдлүүдээс болж эмч эмнэлэгийн ажилчид хохирох ёсгүй юм. Иймээс Хан-Уул дүүргийн эмч нар дээрх шаардлагынхаа хариуг авч, цалин урамшууллаа зөв шийдвэрлүүлэхийн төлөө ажил хаях хүртэл арга хэмжээ зохион байгуулахаа мэдэгджээ.

Б.Баяр

Tumen.mn