Хүмүүс яагаад Гинжингийн дуун дээр л бүжиглээд байдаг юм гэж асуудаг юм. Монгол дуун дээр нээх бүжиг дэглээд байх дуртай биш л дээ. Гэхдээ хүмүүст их хүрдэг болтой юм аа Монгол дуун дээр дэглэх нь. Хүмүүст хүрдэг болохоор нь ч дэглээд байгаам биш л дээ... Сэтгэлд минь өөр нэг мэдрэмж авчирч чадсан Монгол дуунууд бол сэтгэлээ гаргаж бүжиг дэглэхээс харин буцдаггүйд л байгаа юм. Гинжингийн хувьд үглэж байгаа хэв маяг, хөндөж байгаа сэдэв, beat гээд бүх зүйл нь миний хувьд шинэлэг байж чаддаг. Бүжиглэдэг хүн бүжигчин хүнээс л inspiration авна гэвэл тэрэн шиг худлаа юм байхгүй. Монголд тэглээ ч олон зүйлээс inspiration аваад бүжиг дэглэе гээд байх үе их ховор. Хуучнаа л хийгээд байдаг хүмүүс дундаас шинийг хийж цойлж гарч ирнэ, шинэ зүйлийг оруулж ирнэ, хайрцаганд баригдахгүй өөрийнхөөрөө байна гэдэг ямар хэцүүг би бол хангалттай сайн мэддэг болохоор надтай адилхан зүйлрүү тэмүүлж яваа хэн нэгнийг харахад би харин тэрнээс их inspiration авдаг юм. Байнга хамт уулзаад, чатлаад юу байна даа гээд байдаггүй ч хийж байгаа уран бүтээл нь намайг inspired болгож өгдөг гэсэн үг. Ингэж миний сэтгэлд сайн талаас нь нөлөөлж хар нүхэнд ганцаараа байгаан биш биздээ гэж бодох үед хажуугийн хар нүхэнд над шиг нэгэн байгааг хараад сэтгэлд нэг л дулаахан байдаг юм. Тиймээс Гинжингийн дуун дээр дуу гарсан дариуд нь бүжиг дэглээд бүжиглээд байдаг гэсэн үг. Энэ дууг гараад 10 минут болж байхад нь олж сонсоод бүжиг дэглээд эхэлж билээ. Та нарт л бичлэгжүүлж хүргэх гэж харин баахан цаг алдах юм даа. За тэгээд залуус минь бүжиглэсэн болохоор л гоё дуу гэж бодолгүй түүний бусад уран бүтээлийг нь сонсоод яагаад ингэж үглээд байна, ямар хэв маягаар дагнаад байна, юу зориод байна, юун хүмүүс юм бол гээд сонирхоод, судлаад хайгаад үзээрэй. Ийм залуус Монголын нийт залуусын тоотой харьцуулвал бүр маш цөөхөн шүү. Өлөг болсон хайрцаганд баригддаггүй өөрийнхөө байдаг залуус мандтугай!!!

Эх сурвалж: Unen.mn