Голомтын Баясгалан "Бодь групп барьсан Гашуун сухайтын төмөр зам Монгол Улсын хилээс 3 км-ын наана очоод зогссон. 1 км төмөр замын өртөг 1 сая 460 мянган ам.доллар" гэсэн билээ. 1,2 сая доллароор төмөр зам тавих нь үнэтэйд тооцогдоно гэх. Гэтэл ийм их үнээр "Бодь"-ийнхон мухар төмөр тавьдаг нь ямар учиртай юм бол. Хятад замын ажилчид "Танай дарга нар уртаас нь, манай дарга нар өндөр, өргөнөөс нь идсэн гэх "онигоо" үнэн болох нь ээ. "Голомт"-ын Баясгалан хил хүртэл 3 км зам дутуу гэж ярьсан. Гэтэл Зам тээврийн сайд Б.Дэлгэрсайхан 10 км дутуу гэж ярилаа. "
Зам тээврийн сайд Б.Дэлгэрсайхан "Ганц мод- Гашуун сухайтын хил холболтын төмөр замын тухайд цаанаасаа нарийн царигтай төмөр зам 300 метрийн зайд байгаа, манайх бол хилээс 10 км зайд байгаа. Үндсэндээ 10.3 метр замын байгууламжийг нэг компаниар хамтад нь хийлгэе гэдэг зарчим дээр тохирсон. Манайх ийм том байгууламжийг өөрсдөө хийх боломжгүй, хүндрэлтэй байгууламж. Энэ гүүрэн байгууламжийг хийснээр нарийн, өргөн хоёр замтай байна. Өргөн зам нь урагшаа гараад Хятад талдаа ачиж буулгах шилжүүлэн ачих терминаль дээр очно. Шилжүүлэн ачна. Хөмрөөд буулгачихна. Энэ гүүрэн байгууламжийн төсөвт өртөг 979 тэрбум төгрөг болно. Өнөөдрийн долларын ханшаар бол 280 сая орчим ам.доллар" гэлээ.
Мухар төмөр зам тавьсны хариуцлагыг ингэхэд хэн үүрэх юм бэ?
