Монгол Улсад том жижиг хөрөнгө оруулах ямар ч аргагүй луйвардчихдаг хэмээн гадныхан халаглах нь аргагүй. Улстөрчид нь луйвардана. Хурган бизнесмэнүүд нь луйвардана. Хамгийн наад захын жишээ гэхэд монголын “Аюуд” компани, хятадын хөрөнгө оруулалттай “Хуашен констракшн Монгол” компани дундах маргаан байна. Анх Сүхбаатар дүүргийн нутаг дэвсгэрт 2012 оны тавдугаар сарын 01-ний өдөр тав дугаартай, 14386.5 метрквадрат талбайд “Аюуд” компани гурван давхар оффисын зориулалтын барилга бариад хөрөнгөгүйн улмаас орхисон байсныг “Хуашен констракшн” компани 10 сая ам.долларын хөрөнгө оруулаад 16 давхар оффис үйлчилгээний барилга босгоод авсныг та бүхэн сайн мэднэ. Гэтэл өнөөдөр “Аюуд” компани 100 хувь өөрийн хөрөнгө мэтээр булаан авахаар улайрч байгааг эх сурвалж хэллээ.

Үүнийг бид ч хэлээд байгаа юм биш. Өдгөөгийн УИХ-ын гишүүн Б.Энхбаяр Хууль зүй, дотоод хэргийн сайдаар ажиллаж байхдаа “Хуашен констракшн Монгол” компани 100 хувь хөрөнгө оруулалт хийсэн, 10 сая гаруй ам.долларын хөрөнгө оруулсан. Аюуд луйвардаж булаах гэж байна” гэдгийг дурдсан. Мөнхүү “Хууль бус бүртгэл хийсэн, дээрэмдэж бүртгэл хийсэн” гэх байр суурийг ч илэрхийлсэн. Үүнд Улсын бүртгэлийн газар, Оюуны өмчийн газар гэх мэт төрийн олон байгууллагууд оролцсон гэх мэдээллийг ч Хууль зүй, дотоод хэргийн сайд нар хэлдэг. Тэгэхээр сайтар шалгах байх. Үүнийг бүр “албан” дээрэм гэдгийг төрийн өндөр дээд албан тушаалтнууд хэлэх болов.

“Аюуд” компани 2015 оны наймдугаар сарын 20-ны өдөр “Хуашен констракшн Монгол” компанитай хамтарсан хурал зохион байгуулж, тус хуралдааны шийдвэрээр өөрийн өмчлөлийн 60 хувийг “Аюуд” компанид шилжүүлэн өгөх шийдвэр гарсан гэдэг. Энэ бол хууль бус шийдвэр гэхэд болно. Учир нь тэр өдрөө Оюуны өмчийн газар, Улсын бүртгэлийн ерөнхий газарт бүртгэгдсэн баримт нь байгаагаас харахад томоохон луйвар гэдэг нь харагдана.

Тиймдээ ч 2018 оны наймдугаар сарын 24-ний өдөр “Хуашен констракшн Монгол” компани нь “Аюуд” компанид холбогдуулан, “Хуашен констракшн Монгол” компаниас Ү-2203024452 дугаартай үл хөдлөх хөрөнгийн өмчлөлийн 60 хувийг “Аюуд” компани руу шилжүүлсэн хэлцлийг хүчин төгөлдөр бус хэмээн үзэж, “Хуашен констракшн Монгол” компанийн өмчлөх эрхийг сэргээхийг Оюуны өмчийн улсын бүртгэлийн газарт даалгаж өгнө үү” гэсэн албан бичиг илгээснээс харвал “Аюуд” компани тодорхой албан тушаалтнуудтай нийлж, гадны компанийг луйвардах гэсэн байх магадлалтай. Одоо энэ асуудал Арбитрын шүүх дээр хянагдаж байна.

Засгийн газраас гадны хөрөнгө оруулагчдыг дэмжих тал дээр ихээхэн анхаарна гэдгээ дуулгаж байсан. Тэгэхээр энэ мэтээр дээрэм хийгээд байгааг таслан зогсоох байх гэж найдаж байгаагаа ч дуулгасан. Үүнийг Ерөнхий сайд анхааралдаа авахгүй бол “Аюуд”-ын дээрэм улсын нэрийг унагааж байна. Ийм байхад том жижиг ямар хөрөнгө оруулалт орж ирэх юм.

Үргэлжлэл бий

Tumen.mn