12 дугаар сарын 16-22-ны долоо хоногийн өрнийн зурхайг хүргэж байна.

Хонь

Тэвчээртэй, даруу байдал нь амар амгаланг хадгалах гол түлхүүр гэдгийг санаарай. Зарим асуудлыг шийдмээр санагдах ч уур хилэнгээ хянахыг хичээ. Ялангуяа гэр бүлийн гишүүдтэйгээ харилцахдаа уураар бүхнийг шийдэх гээд хэрэггүй. Шийдвэрлэх нь чухал ч гэлээ хандлага түүнээс илүү чухал. Ажил хайж буй хүмүүс амжилт олох магадлалтай. Илүү алсыг харж, том хөдлөөрэй. Ажил дээр тань шинэ сорилт үүсч магадгүй. Аль эсвэл албан тушаалын улс төртэй тулгарах магадлал өндөр байна. Эелдэг байж, аливаа сөргөлдөөнөөс зайлсхий. Үүрэг хариуцлагаа л сайн биелүүлэхэд анхаар. Хайр дурлалын харилцаанд хурцадмал байдал үүсч магадгүй. Эрүүл хандлагаар асуудлыг шийдвэрлэх боломж байна.

Үхэр

Удаан хойшлогдсон ажлуудаа шийдвэрлэх долоо хоног. Үүнээс улбаалаад урьд өмнөхөөсөө илүү стресстэй, уур уцаартай өдрүүдийг өнгөрөөж мэдэхээр байна. Ойр дотны хүмүүсийнхээ хэлсэн үгэнд болгоомжтой ханд. Дотор тань хуримтлагдсан оволзсон их энергийг ашигтай зүйлд зарцуулахыг хичээгээрэй. Шинэ ур чадвар эзэмших, богино аялалд гарах, хугацаа хэтэрсэн төслүүдээ дуусгах зэрэг үр бүтээлтэй ямар ч үйл ажиллагаа байж болно. Нэг ёсондоо ажил мэргэжил, карьерын хувьд ахиж дэвших сайхан үе гэж ойлгоорой. Ажил хайж буй хүмүүс эерэг өнгө аясаа хадгалж чадвал ярилцлага амжилттай болох магадлалтай. Ганц бие хүмүүс илүү өөртөө итгэлтэй, эрх мэдэлтэй байна. Гэсэн ч үүнийг ашиглаад эсрэг хүйстэндээ дарамт үүсгэхээс болгоомжил.

Ихэр

Санхүүгийн чухал шийдвэр гаргах магадлалтай долоо хоног. Зоригтой алхам хийхэд буруудахгүй ч гэлээ яаран шийдвэр гаргах хэрэггүй. Долоо хэмжиж нэг огтол. Ялангуяа хөрөнгө оруулалтын шийдвэр дээр анхааралтай байгаарай. Богино хугацааны ашигаас илүү урт хугацааны зорилгодоо анхаарал хандуул. Энэ долоо хоногт таны амнаас гарах үгс хүчтэй, жинтэй байх тул хайртай хүмүүстэйгээ харилцахдаа болгоомжтой байгаарай. Ажил дээрээ манлайлах ур чадвараа харуулах боломж гарч ирнэ. Ганц бие хүмүүс өөртэйгөө ижил итгэл үнэмшилтэй хэн нэгэнд татагдана. Мэдрэмжээ илэрхийлэхэд тохиромжтой цаг ч гэлээ үүгээрээ бусдад дарамт үүсгэхгүйг хичээгээрэй. Гэр бүлийн харилцаа бага сага маргаантай байна.

Мэлхий

Бэрхшээлийг даван туулахад бэлэн долоо хоног. Зоригтой байснаар зорилгодоо нэг алхам ойртоно. Гэсэн хэдий ч гэнэтийн үйлдэл хийх, аль эсвэл уур хилэнгээ барьж дийлэлгүй асуудлыг хурцатгахаас болгоомжил. Энэ их эрч хүчээ өөрийгөө сайжруулах, хувийн зорилго зорилтоо тодорхойлох, эрүүл мэнд, гадаад төрхөндөө анхаарах зэрэгт зарцуулаарай. Манлайллаа харуулах, хурдтай шийдвэр гаргах шаардлагатай даалгавар танд оноогдож магадгүй. Таны шийдэмгий байдал онцгой байх ч гэлээ шаардлагагүй зөрчилдөөнөөс зайлсхийгээрэй. Хайр дурлалын харилцаа хүсэл тэмүүлэлтэй, эрчимтэй байна. Унтарсан харилцааг сэргээхэд тохиромжтой. Жижиг санал зөрөлдөөн байсан ч даамжрах эрсдэлтэй байгаа тул хэлэх үгээ бод.

Арслан

Сэтгэлзүйн асуудалдаа анхаарал хандуулах долоо хоног. Хүүхэд настай холбоотой сэтгэл зүйн ужиг гэмтэл байдаг бол үүнийгээ шийдвэрлэхэд цаг гаргаарай. Өмнөх долоо хоногуудаас ялгаатай нь та бодит ажил хэрэг бус дотоод сэтгэлийн асуудалдаа илүү их төвлөрөх нь. Зорилгодоо хүрэхийн тулд өөрийгөө хайрлаж, бясалгал хийх, чимээгүйхэн хөдөлмөрлөх зэрэг аргыг хэрэгжүүлээрэй. Үйлдэл хийх гэж яарахаасаа өмнө өөрийгөө сайжруулах, илүү таатай боломжуудыг судлахад анхаар. Бусдын нүдэнд ил харагдахгүй ч тайзны ард багагүй зөрчил, бэрхшээл үүснэ. Хайр дурлалын харилцаа таатай байна. Тиймээс харилцаагаа бэхжүүлэх, гүнзгийрүүлэхэд тохиромжтой. Хайртай хүнтэйгээ нууцаа хуваалцаж, дотно яриа өрнүүлээрэй.

Охин

Урт хугацааны зорилгодоо хүрэх, харилцаа холбоогоо бэхжүүлэхэд тохиромжтой долоо хоног. Харилцааны ур чадвар тань гэрэлтэж байна. Үүнийхээ ачаар шинэ найз нөхөдтэй болж, түншлэл тогтоож, хамтын зорилгоо хэрэгжүүлж чадна. Бусдыг дайчилж, урамшуулах чадвар тань ер бусын сайн байна. Гэхдээ үүнээс тань болоод бага зэрэг зөрчилдөөн үүсч магадгүй. Гэнэтийн шийдвэр гаргах хэрэггүй. Ганц бие хүмүүс олон нийтийн арга хэмжээгээр дамжуулан сэтгэлд таарах хүнээ олно. Ирэх амралтын өдрүүд бол таны азтай өдөр. Хайхрамжгүй байдал таныг уналтад хүргэж магадгүй. Гэр бүлийн амьдрал адармаатай, заримдаа олон ангит кино мэт л өрнөх бололтой. Гэхдээ та үүнийг даван туулаад ард нь гарч чадна.

Жинлүүр

Карьер болон нэр хүнддээ анхаарал хандуулах долоо хоног. Зорилгодоо хүрэхийн тулд урам зоригтой, итгэлтэй байхын зэрэгцээ өвөрмөц арга барилаар ажиллах шаардлага тулгарна. Гэнэтийн үйлдэл, шийдвэр нь олны дунд тэрслүү хандлагыг бий болгох гээд байдаг талтай. Иймд тайван байдлаа хадгалах нь таны амжилтын түлхүүр. Дотор тань хуримтлагдсан тэр их эрч хүчийг бусдыг турхирах бус өөрийгөө нотлоход зарцуул. Таны ажил мэргэжлийг хүндэлдэг, хүсэл тэмүүллийг тань хуваалцдаг хэн нэгэнд сэтгэл татагдаж магадгүй. Эхний алхмыг хийхэд тохиромжтой цаг. Ажил болон хувийн амьдралынхаа тэнцвэрийг олох гэж бага зэрэг зүдэрнэ. Найзууд, эсвэл үр хүүхдүүд тань танаас зөвлөгөө хүснэ.

Хилэнц

Өөртэйгөө ярилцаж, өөрөөсөө асуулт асуумаар санагдана. Үүний үр дүнд хувь болоод хувьсгалын амьдралаа өөрчлөх чухал шийдвэр гаргаж магадгүй. Эрсдэл хүлээх, шинэ туршлага хуримтлуулахад тохиромжтой. Энэ нь аялалаар явах, суралцах, удаан хугацаанд бодож санаж явсан зүйлээ хэрэгжүүлж эхлэх зэрэг юу ч байж болно. Ямартай ч энэ долоо хоног таны карьер боломжоор дүүрэн байна. Ажил хайж буй хүмүүс хувийн сонирхлоосоо хамаараад эрэл хайгуулын чиглэлээ өргөжүүлээрэй. Хайр дурлалын харилцаа сониуч бөгөөд сэтгэл хөдлөл дүүрэн байна. Танаас нэн хол, ялгаатай хэн нэгэнд татагдаж магадгүй. Та хоёрыг юу холбож байгааг олж мэдмээр санагдана. Гэсэн ч хэт их автахаас болгоомжлоорой. Гэр бүлийнхэнтэйгээ ирээдүйн тухай нухацтай ярилцана.

Нум

Өөрчлөлтөд илүү их анхаарал хандуулах долоо хоног. Нүүр тулахаас зайлсхийж байсан асуудлууд руу тань од эрхэс таныг түлхэх бололтой. Үүнийг ашиглаад өсч хөгжиж, өөрчлөлтийг эхлүүлээрэй. Нарийн төлөвлөлт, стратегитэй байвал ажлын бүтээмж сайжирна. Нэмэлт цаг хугацаа, хүчин чармайлт шаардагдах чухал үүрэг даалгавар таны нуруун дээр байна. Нууцлаг хэн нэгэнд сэтгэл татагдана. Харилцааг эхлүүлэхэд тохиромжтой үе мөн ч гэлээ аливаа нуугдмал сэдлээс болгоомжил. Үндсэндээ харилцаагаа эхлүүлж болох ч гэлээ хэт гүнзгийрүүлэх хэрэггүй. Ажил үүргийн хуваарилалт, санхүүгийн байдал зэргээс болж гэр бүлийн хүнтэйгээ маргалдаж магадгүй. Хариуцлагаа хүлээхэд бэлэн байгаарай.

Матар

Хувь, хувьсгалын аль ч талбарт өөрийгөө батлан харуулах хүсэл эрмэлзэл дүүрэн байна. Гэлээ гээд тэнцвэрийг хадгалах нь хамгийн чухал. Мөн тэвчээртэй байдал нь энэ үеийг даван туулахад тус болно. Бусадтай эрүүл харилцаа тогтоохыг хичээ. Таны санал санаачлага, манлайллыг удирдах албан тушаалтнууд үнэлнэ. Гэсэн ч хэт хөөрөлд авталгүй бусдын үзэл бодлыг хүндэтгээрэй. Мөн хамтран ажиллагсад, бизнесийн түншүүдтэйгээ зөрчилдөхөөс зайлсхий. Урт хугацааны амжилтыг баталгаажуулахын тулд харилцан ашигтай тохироо хийхийг хичээгээрэй. Хайр дурлалын харилцааг хурцатгахгүйн тулд нээлттэй бөгөөд эелдэг байх нь зүйтэй. Мэдрэмжээ ил тод илэрхийл. Бодлоготой, утга учиртай бэлгээр дамжуулан хайр дурлалын харилцаагаа бэхжүүлэх боломжтой.

Хумх

Урагшаа тэмүүлэх долоо хоног. Гэхдээ өөрийгөө хэт ядрааж, хэтрүүлэн ажиллах хэрэггүй. Стрессээс зайлсхийхийн тулд ажил, амралтаа тэнцвэржүүлээрэй. Ажлын байран дээрх өрсөлдөөнийг шийдвэрлэхэд ихээхэн анхаарал хандуулна. Ганц бие хүмүүс чөлөөт цагаа үр бүтээлтэй өнгөрөөх замаар сэтгэлд таарсан хүнээ олох боломжтой. Хамтын зорилго, ойлголцол дээр суурилсан харилцааг эрхэмлэ. Хайр дурлалыг илүү практик байдлаар харах нь зүйтэй. Санхүү, үүрэг хариуцлагын хуваарилалт, ирээдүйн төлөвлөгөө зэрэг асуудлаа ний нуугүй ярилцахыг зөвлөе. Хайртай хүмүүс тань танаас зөвлөгөө хүсвэл тэдэнд илүү амьдралтай, практик зөвлөгөө өгөхийг хичээгээрэй.

Загас

Өөртөө итгэх итгэл дүүрэн, адал явдалтай, амьдралаас таашаал авах хүсэл эрмэлзэлтэй долоо хоног. Бүтээлч бөгөөд шинэлэг байдлаа мэргэжлийн түвшинд батлан харуулах сайхан цаг. Ажил хайж буй хүмүүс эрсдэл хүлээхдээ бэлэн байх хэрэгтэй. Харин та хэдийнэ ажил хөдөлмөр эрхэлдэг нэгэн бол шинэ санал санаачлага гаргахад тохиромжтой. Хайр дурлалын харилцаа хүсэл тэмүүлэл, сэтгэл хөдлөл дүүрэн байна. Ганц бие хүмүүс өөртөө итгэлтэй байж, сонирхож байсан хүнтэйгээ харилцаа тогтоож чадна. Тууштай байж, мэдрэмжээ илэрхийлэхэд тохиромжтой. Таны дотоод эрч хүч бүх зүйлийг илүү хөгжилтэй болгож чадна. Хайртай хүнтэйгээ цагийг зугаатай өнгөрөөхийн зэрэгцээ бие биенийхээ давуу талыг бодитоор үнэл.