Шударга өрсөлдөөн хэрэглэгчийн төлөө газраас арилжааны 13 банкинд шаардлага хүргүүлсэн юм. Шаардах болсны учир нь гэвэл банкууд иргэд, аж ахуйн нэгжүүдэд зээл олгохдоо шимтгэл тооцдог, дээр нь  бас хураамж нэрээр давхар мөнгө авдаг ажээ. Энэ нь шударга бус, шулан мөлжих хэлбэр гэж ШӨХТГ-аас үзсэн байлаа. Гэвч банкууд шаардлагыг нь биелүүлээгүй. Тиймээс Шударга өрсөлдөөн хэрэглэгчийн төлөө газраас тэдгээр банкуудыг шүүхэд өгчээ. Гэтэл банкууд нь эргээд Шударга өрсөлдөөн хэрэглэгчийн төлөө газрын шаардах бичгийг шүүхээр шалгуулахаар болж, шүүх  хурлыг хойшлуулжээ. Уг  шаардах бичгийг ямар үндэслэлтэйгээр бичсэнийг шүүхээс шалгаад үзэхэд хууль бус шаардлага лав биш байсан гэнэ.  Банкууд зээл олгохдоо нэг хувийн шимтгэл авдагаа үйл ажиллагааны зардал хэмээн тооцдог байна. Гэхдээ нэг тэрбум төгрөгөөс авах шимтгэлийг хоёр тэрбумаас авах шимтгэлтэй харьцуулахад  банканд 100 сая төгрөг цэвэр ашиг болж орж ирдэг  юм  байна. Үүн дээр хураамжийг нь нэмээд үзвэл  банкууд  үнэхээр хөнгөн аргаар хөлждөг гэдгийг Шударга өрсөлдөөн хэрэглэгчийн төлөө газрынхан  нотолж,  үүнийхээ ядаж хураажийг нь хас  гэж шаардсан боловч банкууд  харин тийнхүү заргалдсаар байгаа юм. Шүүх хурлын тов одоо ч тодорхой бус хэвээр ажээ.

Б.Баяр   

Эх сурвалж: Tumen.mn