Эцэг эхийн төлөөлөл болон иргэдээс 14 дүгээр сургуулийн дэргэдэх Шунхлай шатахуун түгээх станцтай холбоотой асуудлаар мэдээлэл хийлээ.

Нэг жилийн өмнө Шунхлай шатахуун түгээх станцын газар эзэмших эрхийн гэрчилгээг хүчингүй болгож, уг эрхийг нь дуусгавар болгох тухай албан ёсны захирамж гарсан ч одоог хүртэл хууль зөрчин үйл ажиллагаа явуулж байгаа аж. Эцэг эхчүүдийн төлөөлөл "БЗД-т шатахуун түгээх станцтай ойрхон таван сургууль байгаагаас 14- р сургууль хамгийн аюултай нь учир нүүлгэн шилжүүл эсвэл үйл ажиллагааны чиглэлээ өөрчил гэж сургуулийн захиргаа болон хорооны дарга нар өмнө нь тууштай явсны дүнд Хотын дарга Х.Нямбаатарын тамга тэмдэгтэй захирамж гарсан боловч одоог хүртэл нүүгээгүй байна.

Шунхлай групп хуулиа мөрдөхгүй хууль зөрчөөд байгаа талаар удаа дараа хотын захиргаанд хэлсэн боловч дорвитой арга хэмжээ аваагүй байна.

Арга ядахдаа 14 дүгээр саргуулийн эцэг, эхчүүд Шунхлай шатахуун түгээх станц нийгмийн хариуцлагынхаа хүрээнд эрүүл аюулгүй орчинд амьдрах хүүхдийн эрхийг битгий зөрчөөч, сургуулиас гадна зам дагуу маш олон ААН, орон сууцны барилгууд байгаа шүү дээ хэмээн учирлаж өчнөөн гуйжээ.

Шатахуун түгээх станцын талын ангийн хүүхдүүд бензин үнэртэж, толгой өвдөж байна гэж ярьсаар л байгаа. Үйл ажиллагаагаа явуулаад 10 жил болчихлоо. Хангалттай орлогоо олсон байх. Түүнчлэн 14-р сургуулийн шинэ захирлыг хүүхдүүдийнхээ төлөө манлайлж ажиллаасай гэж хүсмээр байна. Өмнөх захирал нь энэ захирамжийг гаргуулахын төлөө яваагүй газар байхгүй. Энэ захирамжийг олж авахын төлөө бид маш их тэмцэл өрнүүлсэн хэмээн мэдэгдлээ. .

Толгой компаниудын нэг Шунхлай группийн "шунал" жирийн айлын хүүхдүүдийн боловсрол, эрүүл мэнд, аюулгүй орчинд заналхийлж буй. Монгол Улсад л хууль зөрчөөд буй толгой баячуудынхаа толгойг илдэг "дабль стандарт" хэрэгждэг нь нэгэнт нууц биш болсон. Энэ мэт үйлдэлд энгийн иргэд нь мянга орилж, саналаа хэлэвч сонсох "төргүй" нь харамсайлтай.

Arslan.mn