Монгол Улс хүн ам, орон сууцны завсрын тооллогыг иргэдийн төрд байгаа мэдээллийг ашиглан зохион байгуулж байгаа билээ. Тиймээс Монгол Улсын иргэн та “www.2025.mn” цахим хуудас болон "E-Mongolia" системээр нэвтэрч Хүн ам, орон сууцны завсрын тооллогодоо хамрагдахыг хүсэж байна. Энэ үеэр мэдээллийг нь тодруулах шаардлагатай иргэдтэй 2025 оны арванхоёрдугаар сарын 15-ны өдрүүдэд 7015-1212 утсаар холбогдож мэдээллийг авчё байгаа юм. Мөнхүү гадаад улсад ажиллаж, амьдарч байгаа иргэд “www.citizen.2025.mn” цахим хуудсаар хандаж, тооллогодоо хамрагдах боломжтойг анхаарах хэрэгтэй. Түүнчлэн 2025 оны мал, тэжээвэр амьтдын тооллогыг арванхоёрдугаар сарын 7-17-ны өдрүүдэд улсын хэмжээнд зохион байгуулж байгаа.Малтай өрх, аж ахуйн нэгж, байгууллага та бүхнийг жилийн эцсийн тооллогодоо идэвхтэй хамрагдахыг уриалж байна.

Монгол Улсад хүн ам, орон сууцны завсрын тооллого 2025 онд бүртгэлд суурилсан аргаар зохион байгуулагдаж байна. Энэхүү тооллого нь хүн амын нийгэм, эдийн засгийн байдал, хөдөлмөр эрхлэлт, боловсрол, шилжилт хөдөлгөөн, орон сууцны төрөл, нөхцөл зэрэг гол үзүүлэлтийг бүртгэх, дүн шинжилгээ хийх зорилготой цогц судалгаа юм. Монгол Улсын Статистикийн хорооноос хүн ам, орон сууцны тооллогыг холбогдох хууль, олон улсын зарчим, зөвлөмжид нийцүүлэн төрийн 15 байгууллагын суурь болон төрөлжсөн мэдээллийн санг ашиглан зохион байгуулж байгаа юм. Иргэд “Хүн ам, орон сууцны тооллого–2025” судалгаанд “E-Mongolia “ портал болон мобайл аппликэйшн-ээр дамжуулан оролцох боломжтойг дахин анхааруулъя. Хэрэглэгч “E-Mongolia”-д нэвтэрсний дараа эхний нүүрэнд байрлах баннер дээр дарснаар “2025.mn” цахим хуудсанд автоматаар холбогдож, судалгааг бөглөх нөхцөл бүрдэнэ.

Мөн Үндэсний статистикийн хорооноос тооллогын мэдээллийн үнэн зөв, чанарыг сайжруулах зорилгоор 2025 оны 10 дугаар сарын 15-ны өдрөөс эхлэн хоёр сарын хугацаанд мэдээллээ тодруулах шаардлагатай иргэдтэй утсаар холбогдон ажиллах юм. Үндэсний статистикийн хорооноос мэдээллийг нэгдсэн байдлаар нэгтгэн боловсруулснаар Монгол Улсын хүн ам зүйн бүтэц, нийгэм, эдийн засгийн төлөв байдлыг үнэлэх чухал суурь тоон мэдээллийг бий болгоно. Монгол Улсын иргэн та Хүн ам, орон сууцны 2025 оны завсрын тооллогодоо идэвхтэй хамрагдаарай.