Мэргэжлийн сумогийн дэвжээг Монгол бөхчүүд эзэгнэж байгаа билээ. Сумогийн Аки башёд маш амжилттай барилдсан “Малчин сүмоч” хочит Ичиножёо А.Ичинноров арлын оронд олны анхаарлыг ихэд татаж байна. Японы сонин хэвлэл, телевиз радиогоор түүний тухай гардаггүй өдөр байхгүй болжээ. Өдгөө “секивакэ” цол хүртчихээд буй  Архангай аймгийн Батцэнгэл сумын уугуул Алтанхуягийн Ичинноров буюу Ичиножёод нэгэн асуудал тургарсан гэнэ. Тэрээр ойрын хугацаанд жингээ хасахаар эрчимтэй хичээллэж байгаа бөгөөд түүнийг сумогийн мэргэжилтнүүд болон багш Минато ояката нь жингээ тодорхой хэмжээгээр хасах шаардлагатай гэж зөвлөжээ.  Учир нь Ичиножёо жингээ хасч хурдаа  нэмэхгүй бол барилдааны амжилт буурч магадгүй гэнэ.

Одоогоор Ичиножёогийн жин 199 кг жинтэй байгаа бөгөөд жингээ 185-190 кг болгож ойролцоогоор 10 орчим кг-аар хасах зорилт тавьжээ.