Өнөөдөр Налайхын үйлдвэрлэл технологийн парк ХК-ийн үйл ажиллагаатай танилцаж, тулгамдсан асуудал, цаашид хэрэгжүүлэх төсөл хөтөлбөрийн тухай хэлэлцлээ.
Налайхын үйлдвэрлэл технологийн парк ХК-ийг түшиглэж Монгол улсын барилгын материалын дотоодын хэрэгцээний 70 хувийг хангаж, байгальд ээлтэй технологийн үйлдвэрлэлийг дэлхийн жишигт хүргэж хөгжүүлэхээр зорьж байна.
Өнөөдрийн байдлаар Налайхын үйлдвэрлэл технологийн парк ХК 53 үйлдвэртэй гэрээ байгуулж, хоёрдогч түүхий эдийг дахин боловсруулах үйлдвэр, Төмрийн үйлдвэр, Хаягдал батерейг дахин боловсруулах үйлдвэр зэрэг 16 аж ахуй нэг үйл ажиллагаагаа явуулж байна.
Өнгөрсөн хугацаанд Налайхын үйлдвэрлэл технологийн парк ХК-д 29.9 тэрбум төгрөгийн хөрөнгө оруулалт хийгдэж зам дэд бүтэц, цахилгаан хангамж зэрэг бүтээн байгуулалтуудыг хийсэн. Энэ жил Нийслэлийн хөрөнгө оруулалтаар цэвэрлэх байгууламжийн бүтээн байгуулалтын ажлыг эхлүүлэхээр төлөвлөөд байна.
Налайхын үйлдвэрлэл технологийн паркд үйл ажиллагаа явуулах аж ахуй нэгжүүдэд;
Газрын төлбөрөөс чөлөөлнө
Үл хөдлөх эд хөрөнгийн албан татвараас эхний 5 жил 100 хувь, дараагийн 5 жил 50 хувиар хөнгөлнө
Ажлын байрны төлбөрөөс чөлөөлнө
Гаалийн татвар төлөх хугацааг сунгах зэрэг хөнгөлөлт, чөлөөлөлтийг эдлүүлэхээр заасан.
Тус үйлдвэрлэл технологийн парк бүх хүчин чадлаараа ажиллавал 10 мянга гаруй хүнийг ажлын байраар хангах бөгөөд төр хувийн хэвшлийн түншлэл, гадаадын хөрөнгө оруулалт, хөнгөлөлттэй зээл тусламжаар бүтээн байгуулалтыг хийхээр зорьж байгаа юм.
