АНУ-ын ерөнхийлөгч Дональд Трамп Ираны эсрэг хийж буй ажиллагааны хүрээнд Америкийн тал цаашид ч илүү хохирол амсах магадлалтай гэж мэдэгдлээ.

Тодруулбал ажиллагааны хоёр дахь өдөр АНУ-ын зэвсэгт хүчний гурван цэрэг амиа алдаж, таван хүн шархадсан гэсэн мэдээллийг АНУ-ын талаас өгсөн юм.

Мөн Ираны хариу довтолгоогоор АНЭУ-д гурав, Кувейтэд нэг хүн амь үрэгдсэн гэх мэдээлэл байна.

Трамп Ираны 48 удирдагч амь үрэгдсэн бөгөөд тэдний есөн байлдааны хөлгийг устгаж, үлдсэнийг нь онилон цохилт өгнө гэж мэдэгдсэн.

Бямба гарагт "томоохон байлдааны ажиллагаа” эхлүүлэх тушаал өгснөөс хойш Америкийн агаарын зэвсэгт хүчин болон тэнгисийн цэргийн хөлгүүд Ираны 1000 гаруй байд цохилт өгсөн гэв.

Ираны эрх баригчид бямба гаргаас хойш 150 гаруй хүн амь үрэгдсэн гэх мэдээллийг өгсөн бөгөөд тэдний дунд хүүхдүүд багтаж байгаа аж.

Тус улсын дээд удирдагч АНУ, Израилын довтолгооны үеэр амиа алдсан нь батлагдсан.

Ираны Гадаад хэргийн сайд шинэ удирдагчийг 1-2 өдрийн дотор сонгож магадгүй гэж мэдэгдсэн байна.

Эх сурвалж: Reuters