Хамтлаг дуучдын үнэ дуучдын үнэ ханш

Шинэ оноо нижгэр тэмдэглэн өнгөрүүлэхийг хүссэн хувь хүн, албан байгууллагууд энэ цагт хамтлаг дуучдын үнэ ханшийг ихэд сонирхдог. Хамт олондоо дууг нь сонсох дуртай уран бүтээлчдээр ая дуу өргүүлэх гэсэндээ хэдэн арван сая төгрөгийг зөвхөн хамтлаг дуучдын уран бүтээлийг сонсоход зориулчихдаг болсон. 365 хоногт ганцхан тохиох хуучин оноо үдэж, шинэ жилээ угтах баяраа хэн ч өнгө мөнгө дулимагхан өнгөрүүлэхийг хүсдэггүй. Энэхүү шалтгаанаас болоод ч тэрүү сүүлийн үед хамтлаг, дуучдын ханш өсөөд байгаа ажээ. Тэдний хэчнээн дууг хэдэн төгрөгөөр дуулж байгааг тоочихыг хүссэнгүй, харин зах зухаас нь дээр дурдлаа. Энэ жил урлагийнхнаас хамгийн өндөр үнээр Төрийн соёрхолт дуучин Д.Болд 5.5 сая төгрөгөөр дуулж байгаа гэнэ. Түүний дараа “Чингис хаан” хамтлагийн дуучин Д.Жаргалсайхан 3.5-4 сая төгрөгөөр дуулж байгаа аж. Харин "Харанга” хамтлагийнхан гадаадад аялан тоглолтоор явж байгаа юм байна. Хүмүүсийн дууг нь сонсох дуртай уран бүтээлчдийн нэг нь Монгол Улсын гавьяат жүжигчин, дуучин С.Жавхлан. Тэрбээр энэ сарын эхээр хэвлэлийн бага хурал хийж шинэ жилээр ямарваа нэгэн газрын баярт дуулахгүй гэдгээ мэдэгдсэн. Мэдээж энэ шийдвэр түүний гэргий дуучин Г.Эрдэнэчимэгт ч гэсэн хамаарна. Харин түүний оронд тэд ядарч яваа нэгэнд туслахаар тоглолт хийж, тоглолт ч сайхан болсон сурагтай. Нийгмээрээ эдийн засгийн хувьд хүндхэн байгаа энэ үед түүний мэргэжил нэгт нөхдөдөө уриалсан уриа, хэрэгжүүлсэн ажил нь нүдээ олсон гэж хэлмээр. Хоногийн түлшээ шуудайгаар нь зөөж, тарчигхан амьдарч байгаа хүмүүст туслахаар шийдсэн дуучин С.Жавхланг “Өөрийгөө рекламдлаа” гэж хэлэх хүн олон байсан. Гэтэл түүн шиг нийгэмд хэрэгтэй ажил санаачилсан уран бүтээлч энэ жил л лав алга. Одоо ч гэсэн түүнийг дэмжиж өндөр үнээр дуулахаас татгалзсан дуучин нэг ч байхгүй байна. Тийм болохоор шинийг санаачилж, сайн ажил хийж байгаа нэгнээ сайшаахын оронд зоригийг нь “унтраасан” үг хэлээд хэрэггүй биз ээ.

Гавьяат жүжигчин Б.Сарантуяа /Хоёроос гурван дууг дөрвөн сая төгрөг/

Гавьяат жүжигчин Т.Ариунаа /2-3 сая төгрөг/

Гавьяат жүжигчин Ж.Алтанцэцэг /Хоёр дууг нэг сая төгрөг/

Дуучин С.Наран /2-3 сая төгрөг/

Дуучин С.Сэрчмаа /Хэдэн дуу нь тодорхойгүй хоёр сая төгрөг/

Дуурийн дуучин Ө.Уянга /1.2 сая төгрөг/

Ардын жүжигчин Д.Зангад “Сүлд модны наадам” дуу /300 мянган төгрөг/

Төрийн соёрхолт Д.Болд /Нэг дуу5.5 сая төгрөг/

“Чингис хаан” хамтлагийн дуучин, гавьяат жүжигчин Д.Жаргалсайхан /3.5-4 сая төгрөг/

Дуучин Э.Төрмандах /1-1.5 сая төгрөг/

Дуучин П.Идэржавхлан /800 мянган төгрөг/

Дуучин АCool /1-1.5 сая төгрөг/