Сүүлийн үед Нийслэлд томуу, томуу төст өвчний тархалт нэмэгдэж, өвчний дэгдэлт өмнөх жилийн мөн үеэс 4.3 хувиар нэмэгдсэн үзүүлэлт гарсан байна.

Томуугийн өвчлөлтэй холбоотойгоор Нийслэлийн Эрүүл мэндийн газраас хэд хэдэн төрлийн үйл ажиллагааг аравдугаар cap буюу томуугийг дэгдэлтийн улирал эхлэхээс өмнө угтаж зохион байгуулж явуулдаг байна.

Тухайлбал, урьдчилан сэргийлэх зөвлөмж зөвлөгөөг иргэдэд хүргэх, эмнэлгүүдийн томуугийн үед ажиллах бэлэн байдалд бэлэн байх бэлтгэл хангах, иргэдийг дархлаажуулах зэрэг үйл ажиллагааг явуулдаг юм.

Түүнчлэн өвчлөл эхлээд зайлшгүй ор нэмэх шаардлагатай эмнэлгүүдийн орыг нэмэгдүүлэх, өрхийн эрүүл мэндийн төвүүдийн ажлын цагийг уртасгах зэрэг зохион байгуулалтын ажил хийгддэг байна.

Мөн эмнэлгүүд хүүхдийн тасгуудын ачаалал ихэсч байгаатай холбоотой тухайн эмнэлгийн насанд хүрэгчдийн орны 20-30 хувийг хүүхдийн тусламж үйлчилгээнд шилжүүлсэн байна.

Мөн томуу байдлыг ажиглаж байгаад, дэгдэлт тодорхой хэмжээнд бууртал эмнэлгүүд уртгасан цагаар ажиллах гэнэ. Өөрөөр хэлбэл, амбулторын үзлэгийн зургаагаас доош хувьд хүрсэн цагт эмнэлгүүд энгийн цагийн хуваарийн дагуу ажиллуулах ажээ.