Үндэсний эрх чөлөө, тусгаар тогтнолоо сэргээн мандуулсны 103 жилийн ойг тохиолдуулан Монгол Улсын Ерөнхийлөгч Ц.Элбэгдорж зарлиг гаргаж, гавьяат цолоор хэд хэдэн хүнийг шагналаа.

Жүдо бөхийн дэлхийн аварга Г.Болдбаатар, Чөлөөтийн дэлхийн аварга С.Цэрэнчимэд болон Дэлхийн аваргын хүрэл медальт Э.Ням-Очир,  Шатрын  их мастер  Б.Мөнгөнтуул нарт Монгол Улсын Гавьяат тамирчин цол хүртээв. Мөн "Алдар" спорт хорооны дасгалжуулагч Ц.Хосбаяр, Жүдо бөхийн эмэгтэй шигшээ багийн дасгалжуулагч Ш.Цэвэлмаа нар Гавьяат дасгалжуулагч цол тэмдгээр шагнууллаа.

Сэтгүүл зүйн салбараас "Open door" сонины Ерөнхий эрхлэгч Б.Ганчимэг Монгол Улсын соёлын гавьяат зүтгэлтэн цол тэмдгээр энгэрээ мялаалаа. Түүнчлэн "Улаанбаатар СОНГДО" эмнэлгийн Ерөнхий захирал Б.Болдсайхан Монгол Улсын хүний гавьяат эмч цол тэмдгээр шагнуулсан юм.

Эх сурвалж: Zaluu.com