Улсын Ерөнхий прокурор асан Д.Дорлигжавын орны хүн одоог болтол томилогдоогүй байгаа. Уг албан тушаалд олон хүний нэр сонсогдож байгаа ч Нийслэлийн прокурор Б.Бат-Оршихыг болох байх гэсэн таамаглал их дээгүүр яваа гэнэ шүү. Учир нь, энэ хүн Ч.Сайханбилэгийн найз төдийгүй Д.Дорлигжавын нутгийн хүн аж.

Цаашлаад мэргэжил мэдлэгийнхээ хувьд ч бусад өрсөлдөж байгаа хүмүүсээсээ хамаагүй илүү гэлцэнэ. УЕП-ын суудалд АТГ-ын дарга Н.Ганболд, Ерөнхийлөгчийн зөвлөх Ч.Өнөрбаяр, Зам тээврийн сайд асан А.Гансүх зэрэг хүмүүсийн нэр дуулдаж байгаа ч Прокурорын байгууллагын тухай хуульд “Улсын Ерөнхий прокурор, түүний орлогчоор гучин таван нас хүрсэн, хуульчийн мэргэжлээр арваас доошгүй жил ажилласан Монгол Улсын иргэнийг томилно” гэж заасан байдаг аж.

Харин энэ хуульд нийцэх хүн гарч ирэхгүй байгаа ч уг албан тушаалын хүнийг томилоход Ерөнхийлөгчийн оролцоо мэдээж их юм.

Эх сурвалж: Dorgio.mn