Дарга нар төсвийн мөнгийг хайр найргүй үрэхийг л бодохоос хэмнэх тухай юу ч санаж сэдэхээ больжээ. Өнгөрсөн онд царцаасан барилгын талаар мөн ч их ярьсан. Эдгээр барилгуудын төсөвт өртөгийг  дээд тал нь  бараг хоёр дахин нугалсан их мөнгөөр тооцсон байлаа. Саяхнаас хүүхдийн эмнэлэгийн хомсдол нүүрлээд байгаатай холбогдуулан Зам, тээврийн яамны байрыг  150 хүүхдийн ортой эмнэлэг болгож ашиглахаар болсон ч бас л мөнгийг нь данхайтал үржүүлээд тавьчихаж буй сурагтай. Эх сурвалжуудын  хэлснээр тус байрыг өөрчилж засварлахад 6.7 тэрбум төгрөг шаардагдах юм гэнэ. Энэ бол хэтэрхий өндөр тоо гэдгийг мэргэжлийн хүмүүс хэлж байна.  2015 оны 2 дугаар сарын 1 гэхэд хүүхдийн эмнэлэг болгосон байхаар Засгийн газраас үүрэг авсан Г.Шийлэгдамба сайд тооцоог нь нягталж үзээгүй гэж үү. Эсвэл  хашир эндээс хэдэн төгрөг тонших санаатай байна уу.

Б.Баяр  

Эх сурвалж: Tumen.mn