Хуурамч мөнгөн тэмдэгт гүйлгээнд оруулах гэмт үйлдэл тасрахгүй бололтой. Төгрөгийн гүйлгээнд хуурамч мөнгөн тэмдэгт ашигласан дотоодынхоо бүлэг этгээдийг  цагдаагийнхан шалгаж дуусаагүй шахам байтал рублийг хуурамчаас үйлдвэрлэсэн  Оросын иргэн манайд орж ирээд бужигнуулж өгчээ. Грачев гэх энэ этгээдийг өчигдөр Баянзүрх дүүргийн цагдаагийнхан  баривчилсан байна. Тэрбээр Төрийн банкаар хуурамч 7 мянга гаруй рубль солиулж байгаад баригджээ. Түүний энэхүү хуурамч рубль нь үйлдвэрлэлийн аргаар хийгдсэн бөгөөд сайтар нягталж чадахгүй хүнд  бараг мэдэгдэхээргүй нарийн хийгдсэн байжээ. Цагдаагийн  мөрдөн шалгах ажиллагаа үргэлжилж байна.

Б.Баяр

Эх сурвалж: Tumen.mn